1Lagu paranti jarah. Ti jero jungkrang kabalangsakan abdi jumerit, nun PANGERAN!
2Dangukeun, nun PANGERAN, dangukeun panyambat abdi neda pitulung!
3Upami dosa abdi-abdi ku Gusti tetep diemutan, saha anu tiasa luput tina hukumanana?
4Nanging da Gusti kersa ngahampura, ku margi kitu abdi-abdi bade tumut ka Gusti kalayan hormat.
5Kaula kacida ngaharepna kana pitulung PANGERAN, tur percaya kana jangji-Na.
6Nyongsrongna hate kaula ka PANGERAN, leuwih ti batan ronda peuting ngadago subuh — ti batan ronda peuting ngadago subuh.
7Israil kudu percaya ka PANGERAN, ku karana satia asih-Na sarta salawasna kersaeun nulungan.
8Mantenna kersaeun ngajait umat Israil tina sagala dosa-dosana.