Alkitab Mobile SABDA
[VER] : [SUNDA]     [PL]  [PB] 
 <<  Mazmur 6 >> 

1(6-1) Pikeun pamingpin biduan. Dipirig ku kacapi. Nurutkeun lagu nu kadalapan. Jabur Daud. (6-2) Nun PANGERAN, sanaos Gusti bendu, ulah dugi neunggeul ka abdi! Sanaos Gusti wera, abdi ulah disiksa.

2(6-3) Sing welas, nun Gusti, abdi parantos seep tanaga, parantos lungse, paparin kakuatan,

3(6-4) awak sakujur karaos ajur. Nun PANGERAN, lami keneh bade ngantep ka abdi teh?

4(6-5) Sumping atuh, salametkeun abdi, nun PANGERAN, jait abdi tina baya pati, ku karana piwelas Gusti.

5(6-6) Di alam kubur mah Gusti moal dipikaemut di ditu mah moal aya anu muji ka Gusti.

6(6-7) Abdi lungse balas rupek nya hate, unggal wengi ceurik balilihan, cipanon maseuhan bantal.

7(6-8) Abdi meh teu tiasa ningal, panon carindul balas ceurik, nya musuh lantaranana.

8(6-9) Nyingkah sing jauh, he para durjana! Sabab PANGERAN ngadangueun ceurik kami,

9(6-10) ngadangueun panyambat kami menta tulung, paneda kami baris ditarima.

10(6-11) Musuh kami bakal ngarasa getirna kaera dumeh eleh, ngadadak jadi baringung tuluy kalabur.


  Share Facebook  |  Share Twitter

 <<  Mazmur 6 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran