Alkitab Mobile SABDA
[VER] : [SUNDA]     [PL]  [PB] 
 <<  Mazmur 60 >> 

1(60-1) Pikeun pamingpin biduan. Nurutkeun lagu: Kembang Bakung nu jadi saksi. Jabur atikan ti Daud (60-2) sabada mulih tas ngelehkeun urang Aram Mesopotamia jeung Aram Sobah, jeung waktu Yoab mulang tas ngelehkeun urang Edom di Lebak Uyah, aya dua belas rebu musuh anu kasambut. (60-3) Nun Allah, Gusti parantos miceun abdi-abdi, parantos ngabenduan, mugi kersa mikawelas deui.

2(60-4) Ieu tanah ku Gusti digenjlongkeun, disina bareulah, ku margi ngarewag, mugi anu bareulah teh diliputkeun deui.

3(60-5) Umat teh ku Gusti dikeunaan cocobi pohara pisan; abdi sadaya dugi ka tingdaligdeug sapertos nu mabok.

4(60-6) Gusti parantos ngemutan sakur nu hormat ka Gusti, sangkan maranehna luput tina karuksakan.

5(60-7) Anggo kakiatan Gusti keur ngajait abdi-abdi, waler paneda abdi sadaya, supados umat kaasih Gusti tiasa salamet.

6(60-8) Allah geus ngadawuh ti kasuciana-Na, "Kami unggul; Kami rek ngabagi-bagi tanah Sekem, sarta Lebak Sukot rek dibagikeun ka umat Kami.

7(60-9) Gilad boga Kami, kitu deui Menase. Epraim balakutak Kami, Yuda teteken karajaan Kami.

8(60-10) Tapi Moab mah rek dijieun pangumbahan, jeung Kami arek ngalungkeun tarumpah ka Edom, pikeun ciri yen eta tanah boga Kami. Kutan urang Pelisti teh ngira rek bisa surak, ngira rek bisa meunang ti Kami?"

9(60-11) Saha nu rek nyandak abdi ka eta kota anu dibenteng? Saha anu baris nuyun abdi ka Edom, nun Allah?

10(60-12) Naha leres Gusti teh parantos luas ka abdi sadaya? Naha leres moal kersa sareng ngarurug musuh?

11(60-13) Tulungan abdi-abdi ngayonan musuh, margi pitulung ti manusa mah tangtos gaplah.

12(60-14) Ari disarengan ku Allah mah urang tangtu unggul, musuh teh ku Mantenna geus tangtu eleh.


  Share Facebook  |  Share Twitter

 <<  Mazmur 60 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel