Dual Panel1Panyambatna Daud. Nun PANGERAN, mugi dangukeun, mugia kabul ieu paneda, abdi teh balangsak sareng walurat;
2mugi raksa nyawa abdi, jalmi nu satia ka Gusti, mugi ieu abdi Gusti anu kumureb teh jait.
3Mugi aya kurnia, nun Allah Panutan, anu ku abdi disambat sadidinten.
4Paparin kabungah ieu abdi Gusti teh, reh ka Gusti mumbulna paneda abdi.
5Reh Gusti teh langsar manah, jembar hampura, murah asih ka sugri nu sok sasambat.
6Mugi dangukeun paneda abdi, nun PANGERAN, ieu panyambat mugia dimakbul.
7Saban mendak pakewuh, nya ka Gusti abdi ngalengis, da tangtos Gusti kersa ngamakbul.
8Taya ilah nu sapertos Gusti, nun PANGERAN, taya nu mampuh nyieun hal sapertos nu ku Gusti dipidamel.
9Bangsa-bangsa sadayana, kenging Gusti ngagelarkeun, tangtos darongkap, dareku di payuneun, bakal maruji kaagungan Gusti.
10Rehing Gusti teh agung, kawasa ngadamel mujijat, mung Gusti nyalira Allah teh.
11Wurukan, abdi teh kedah kumaha, nun PANGERAN, tangtos ku abdi ditumutkeun kalayan satia, kumaha kedahna ngabdi ka Gusti kalayan satuhu.
12Abdi seja muji ka Gusti sabuleud hate, nun PANGERAN Allah abdi, seja ngabewarakeun kaagungan Gusti sapapaosna.
13Kalintang ageungna satia asih Gusti ka abdi, dugi ka nyawa abdi dijait ti jero kubur!
14Abdi dikurubut ku nu arangkuh, nun Allah; diarah bade dipaehan ku sabubuhan jelema telenges, jalmi-jalmi anu henteu malire ka Gusti.
15Nanging Gusti teh Allah anu sipat rahman rahim, langsar manah, leber kaasih, satia tuhu.
16Mugi abdi katampi, neda jembar piwelas-Na, kiatkeun, salametkeun, margi sapertos pun biang, abdi oge bakti teh ka Gusti.
17Abdi Gusti mugi dipaparin tanda kasaean Gusti, supados anu ngarewaeun ka abdi areraeun naringal abdi ditulung sareng dililipur ku Gusti.