Alkitab Mobile SABDA
[VER] : [TAA]     [PL]  [PB] 
 <<  2 Yohanes 1 >> 

1Sura si'i yako resi aku, tau tu'a ntau to mangaya. Wali aku mangantulis sura si'i resi Indo to napilis i mPue Allah, pasi resi nganamu. Aku mamporayang kojo komi samparia. Pei si'a ojo aku to mamporayang komi, samparia tau to manasamo mangkonong anu to monso paka mamporayang seja komi.

2Naka pei kami mamporayang komi apa anu to monso etu re'e maroo ri raya ngkita pasi dasiwaka pei kita rataka ri singkasaenya.

3Wali i Pue Allah, Pa'a, pasi i Pue Yesu Kerisitu, Ana mPa'a etu, mampaponsanika kita kanotoNya, pasi pamporayangiNya, pasi re’e seja karodo ndaya iwaikaNya kita. See naka kita masiporayang pei maroso mangalulu anu to monso.

4Wali Indo, aku ndende kojo rayangku mangandonge kareba to manganto'o re'e nganamu to mangalulu anu to monso. Apa ewa wetu porenta i mPa'a resi kita.

5Wali si'i-si'i Indo aku mamporapika resi komi samparia see kita masiporayang. Pei porenta to kutulisika komi etu si'a porenta to bou. Porenta etu semo to nawaika i mPue Allah kita yako ri pamulanya kita mangaya.

6Wali batuanginya pamporayang, etu semo kita mangalulu samparia porenta to nato'oka i mPue Allah kita. Pasi porenta to roomo rapotundeka resi komi yako ri pamulanya komi mangaya, etu semo, anu kita masiporayang.

7Wali Indo, boros to pantipu to re’e ri sambawo lino si'i. Tau etu bo'onya mampatimonso, manganto’o, "I Yesu Ia Kerisitu, Makole napokau i mPue Allah ma'i mawali to lino." Wali tau to mampobo’o i Kerisitu etu, sira semo to pantipu pasi bali i ngKerisitu.

8Wali jagai kojo naka ne’e mangaluluka yau to pantipu etu. Apa ane komi mangaluluka yau sira, tamo re'e batuanginya palaong mami resi komi seore. Pasi jagai kojo see kita damangarata samparia ntanapa to danawaika i mPue kita.

9Wali ne’e kojo mangaluluka yau to pantipu etu. Apa bara i sema tau to taa mangkongko anu to roomo napotundeka i ngKerisitu, pei mangaliunaka, tau etu tare i Pue Allah maroo ri rayanya. Pei i sema to mangkongko anu to napotundeka i ngKerisitu, tau etu re'e i Pue Allah, Pa'a, pasi AnaNya seja maroo ri rayanya.

10Wali ane re'e tau rata resi komi pei mampotundeka komi anu to yusa wo’u yako to napotundeka i ngKerisitu etu, ne'e mangabiaka tau etu masua ri raya banuamu. Pasi ane simparata pei ia, ne'e mampogomboka pei mangantabea ia.

11Apa tau to mangantabea ia, batuanginya tau etu mangansawang ia mangika palaonginya to maja'a.

12Wali aku boros wo'u to aku rani manganto'oka komi, pei aku taa rani mangantulis ri raya nsura. Pei tuwu-tuwuja aku dayau mayunu resi komi see kita maya magombo-gombo. Apa ane ewa wetu, bae kandende ndayanta.

13Wali ngana ntua’i i Indo to we'a to napilis seja i mPue Allah, sira manganto'o sira taa mangkalingan komi. Wali ungkanyamo ruyu gombongku si'i. Amin.


  Share Facebook  |  Share Twitter

Download Audio MP3 (2 Yohanes 1):
Mobile (Low Quality) - CD (High Quality)

 <<  2 Yohanes 1 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2020
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran