Alkitab Mobile SABDA
[VER] : [TOBA]     [PL]  [PB] 
 <<  Mazmur 112 >> 

Hatuaon na sintong ni halak na daulat roha tu Debata 1-10

1Halleluya! Martua ma baoa na mangkabiari Jahowa, na lomo roha situtu di angka patikna!

2Sangap ma pinomparna i sogot di tano on, dapotan pasupasu ma sundut ni angka partigor sogot.

3Hamoraon marlobilobi di bagasan jabuna, jala hot do hatigoranna i ro di salelenglelengna.

4Sai binsar do di partigor i hatiuron di haholomon, sian Ibana pardengganbasa, parasi roha jala na bonar.

5Mardohar ma baoa na asi roha dohot na pasalihonsa, tarondolhonsa ma angka hatana di paruhuman.

6Ndang tagamon humordit ibana salelenglelengna, marbarita salelenglelengna do partigor i.

7Ndang tagamon mabiar ibana binahen ni barita hinamago, nalom do rohana marhaposan tu Jahowa.

8Marsitiopan do rohana, ndang mabiar ibana, paima idaonna pamaloson tu angka alona i.

9Manaburi ibana, mangalehon tu angka na pogos, hot do hatigoranna i ro di salelenglelengna, timbul ma tandukna sogot di bagasan hamuliaon.

10Idaon ni parjahat i ma i sogot, jala hagitikhononna, patungoripon ma iponna jala malangke ibana, matua lonong do pinangido ni angka parjahat i.


  Share Facebook  |  Share Twitter

 <<  Mazmur 112 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel