Dual PanelPangkorasion ni natorop tu rajana 2-10
1Ende sian si Daud.
2Sai dialusi Jahowa ma ho di ari hagogotan, sai dipatimbul goar ni Debata ni si Jakkob ma ho!
3Ditongoshon ma tu ho panumpahion sian bagas habadiaon, jala ditungkol ho sian Sion!
4Sai marningot ma Ibana di sude angka peleanmu sipanganon, sai talmis ma di rohana angka peleanmu situtungon! Sela.
5Sai dilehon ma tu ho sisubut roham, jala dipasaut nasa sangkapmi.
6Asa mariaia hita mida hatuaonmi, jala mamiorhon tonggol, mangasahon goar ni Debatanta i. Sai dipasaut Jahowa ma nasa pangidoanmu.
7Nuaeng pe huboto tangkas, na tinumpahan ni Jahowa miniahanna i, sai alusanna do ibana sian angka langit habadiaonna i marhitehite angka pangabahan ni hatuaon ni siamunna.
8Mangasahon hureta dohot hoda do ianggo nasida, alai anggo hita goar ni Jahowa, Debatanta i do itaingot.
9Martungkapan jala martinggangan ianggo nasida, alai anggo hita tong do marsihohot jongjong. (20-10) Sai tumpahi ma rajai, ale Jahowa, sai alusi ma hami di ari pangalualuannami!