Alkitab Mobile SABDA
[VER] : [TOBA]     [PL]  [PB] 
 <<  Mazmur 41 >> 

I. Tua ni halak na marpanatap tu na soro ni ari on 2-4. II. Alualu taringot tu roha jehe ni aleale 5-10. III. Nalom ni roha tu Debata 11-14

1Ende sian si Daud.

2(I.) Martua ma halak na manatap uhum tu na soro ni ari on, sai paluaon ni Jahowa do ibana di ari hinamago.

3Ramotan jala pangoluon ni Jahowa do ibana, martua do ibana bahenonna di tano on, jala ndang tagamon lehononmu ibana ripe rupaon ni musuna.

4Sandeon ni Jahowa ma ibana di podoman parsahiton, dipahosing Ho do lagena sudena di parsahitonna i.

5(II.) Ianggo ahu ningku do: Asi ma roham di ahu, ale Jahowa, sai pamalum rohangki, ai dompak Ho do ahu mardosa.

6Roa do ianggo pandok ni angka musungku tu ahu: Sadihari ma ibana mate, asa pesan nian goarna i?

7Jala ia ro ibana mandulo, gabus do dipangkatahatahon; papungupungu hajahaton do rohana di ibana, ruar tu balian ibana, dihatahon ma i.

8Masihusipan do sude angka na mangkasomorhon ahu laho tumahi ahu, roa do sangkapnasida dompak ahu.

9Dituangkon do tu ibana hata na jahat sahali, jala ndang be tagamon hehe na peakon.

10Gari bajo hasudungan ni rohangki, na huhaposi, na manganhon indahanku manandakkon tambihul dompak ahu.

11(III.) Alai anggo Ho, ale Jahowa, sai asi ma roham di ahu, jala pahehe ahu, asa hubaloshon tu nasida.

12Sian i do hutanda lomo ni roham mida ahu: Na so tarbahen i musungku martillahon ahu.

13Ianggo ahu, Ho do maniop ahu di haburjuonku, jala dipajongjong Ho do ahu tu jolo ni bohim salelenglelengna. (41-14) Pinuji ma Jahowa, Debata ni Israel olat ni narobi ro di saleleng ni lelengna! Amen, Amen!


  Share Facebook  |  Share Twitter

 <<  Mazmur 41 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel