Dual PanelHatotogap ni huta ni Debata maradophon panahopi ni angka parbegu 1-12
1Ende sian angka anak ni si Kora.
2Debata do haporusanta dohot hagogoanta, pangurupion situtu di hagogotan, angka na mangonai tu hita.
3Dibahen i ndang mabiar hita, nang pe balik tano on, jala lalolalo angka dolok laho marongrong tu tongatonga ni laut.
4Nang pe gasagasaon jala margumogumo angka aekna, pola humuntal angka dolok dibahen pasangnai. Sela!
5Sada batang aek, ro di sungena palas roha ni huta ni Debata, inganan na badia ni Natumimbul.
6Debata do di tongatongana, ndang tagamon humordit, andostorang dope, nunga diurupi Debata ibana.
7Guntur pe angka parbegu, lonong angka harajaon, molo mangkuling Ibana, malala do tano on.
8Jahowa Zebaot do donganta, Debata ni si Jakkob do partanobatoanta. Sela!
9Sai ro ma hamu marnida halongangan angka na binahen ni Jahowa, Ibana mambahen angka panonggoti di tano on.
10Ibana do pasohothon hamusuon ro di ujung ni tano on; Ibana do umponggolhon sior jala ditallihi hujur, dipuruni do angka hureta di bagasan api.
11Pasohot hamu ma jala tanda hamu Ahu do Debata, sai timbul do Ahu sogot di tongatonga ni angka bangso, timbul di tano on. (46-12) Jahowa Zebaot do donganta, Debata ni si Jakkob do partanobatoanta. Sela!