Dual PanelTangiang mangido haluaon dohot bagabaga ni hamauliateon 3-9
1Ende sipodaon sian si Daud.
2Di na ro i pangisi ni Sip, angka na mandok tu si Saul: Nda di lambungnami do martabuni si Daud?
3Sai tumpahi ma ahu, ale Debata, marhitehite goarmu, jala pasintong uhum di ahu marhitehite hagogoonmu.
4Sai tangihon ma tangiangki, ale Debata, paeleng ma pinggolmu, tumangi pangkataion ni pamanganku.
5Ai halak na pulik marga do hehe mangalo ahu, jala angka sibahen gogo mangiran hosangki, ndang dibahen nasida Debata tu jolonasida i. Sela!
6Ida ma Debata do situmpak ahu, Tuhan i do di tongatonga ni angka sitiopi hosangki.
7Pasuangonna do najat i tu angka na manosak ahu, sai siaphon ma nasida marhitehite hasintonganmi. (54-8) Marroha habinsaon ma ahu mamele tu Ho, pujionku ma goarmu, ale Jahowa, ai haleaon do i. (54-9) Ai dipalua do ahu sian nasa hagogotan, jadi sombu ma matangku marnida angka musungku.