Alkitab Mobile SABDA
[VER] : [TOBA]     [PL]  [PB] 
 <<  Mazmur 6 >> 

I. Tangiang mangido haluaon sian parsahiton 2-8. II. Pujipujian tu Debata ala naung nialusanna tangiangna 9-11

1Ende sian si Daud.

2(I.) Ale Jahowa unang uhumi ahu di bagasan rimasmu, jala unang ajari ahu di bagasan parpiar ni murukmu.

3Asi ma roham di ahu, ale Jahowa, ai mauas do huhilala; pamalum ahu, ale Jahowa, ai angka hitir do sude holiholingku.

4Rohangku di bagasan pe mansai mallobuk do, sadia leleng on Ho, ale Jahowa?

5Sai marpangulahi ma roham, ale Jahowa! Malua ma hosangku! Urupi ahu ala ni denggan ni basam.

6Ai anggo di hamatean ndang adong be parningotan tu Ho; jala tung ise mamuji Ho, dung ro di banua toru?

7Maheu do huhilala dibahen ponjot ni rohangku, ganup borngin do huhembangi lagengku, mansai maraek do nang bulusanku dibahen iluilungku.

8Pola do lotop matangku sian marsak ni rohangku, pola naung gabe matua, dibahen sude angka na manosak ahu.

9(II.) Pasurut ma sian ahu, sude hamu angka na mangulahon na so uhum, ai nunga ditangihon Jahowa soara ni angukkon.

10Nunga ditangihon Jahowa hoingkon, dijangkon do ia tangiangkon. (6-11) Tarurak jala tarsonggot situtu do sogot sude angka musungku; hapogan do nasida laho sumurut, jala tarurak so pangkiriman.


  Share Facebook  |  Share Twitter

 <<  Mazmur 6 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran