Alkitab Mobile SABDA
[VER] : [TORAJA]     [PL]  [PB] 
 <<  Hosea 1 >> 

Bungkaran kada

1Inde sia tu kadanNa PUANG tu rampo lako Hosea, anakna Beeri, tonna linona Uzia, Yotam, Ahas, na Hizkia, datu Yehuda, sia iatonna linona Yerobeam, anakna Yoas, datu Israel.

Gomer undadian anak tallu

2Inde sia tu bunga’ kadanNa PUANG nalopian Hosea. Ma’kadami PUANG lako Hosea, Nakua: Maleko, muala misa’ baine kadake gau’ sia pia dadi dio mai gau’ sala, belanna lendu’ ia gau’ salana tu tondok sia memboko’mo dio mai PUANG.

3Malemi umpobainei tu Gomer, anakna Diblaim, anna ma’tambuk napadadianni misa’ pia muane.

4Ma’kadami tu PUANG lako kaleku Nakua: La musangai Yizreel, belanna tae’mo nala masai angKu pembalaranni tu rarana Yizreel lako bati’na Yehu, sia angKu pa’dei tu kadatuanna bati’na Israel.

5Allo iato la dadi, kumua la Kule’to tu panana to Israel diong lombok Yizreel.

6Ma’tambuk pole’omi tu baine iato anna dadian misa’ pia baine. Ma’kadami tu Puang lako kalena, Nakua: Sangai Lo-Ruhama, belanna tae’mo Kula ungkamasei tu bati’na Israel, Kuurunganni tang umpa’dei tu salana, moi misa’ duka.

7Apa iatu bati’na Yehuda la Kukamasei sia la Kurampanan tete dio PUANG Kapenombanna. Apa tae’ angKu la urrampananni tete dio pana ba’tu pa’dang ba’tu pa’buno, ba’tu darang ba’tu pakkanarang.

8Iatonna disarakki susumo tu Lo-Ruhama, ma’tambukomi, anna dadianni tu misa’ pia muane.

9Ma’kadami tu Puang Nakua: Sangai Lo-Ami, belanna tangiakomi taungKu sia iatu Aku tangiaNa’ Puangmi.

10Apa undinna iatu to Israel la buda susi karangan dio biring tasik, tu tang dikemba’ disuka’ ba’tu diia’. Anna dadi dio inan dinii umpokadanni tau iato mai kumua: Kamu te tangia taungKu, inde dukato la dinii ussangai anakNa Puang Matua matontongan.

11La sita’pa tu mai to Yehuda anna to Israel, unnangka’ misa’ pangulu, anna ke’de’ lan mai padang iato, belanna la kapua tu allona Yizreel.


  Share Facebook  |  Share Twitter

 <<  Hosea 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel