Puang Matua umpamala’bi’ to bongko
1Haleluya! Pudimi, e kamu taunNa PUANG, pudimi tu sanganNa PUANG!
2Mintu’na kadipudian lu lako nasang sanganNa PUANG, randuk totemo landa’ sae lakona.
3Iatu sanganNa PUANG sipatu dipudi randuk dio mai kadellekan allo landa’ lako kabotoan kulla’.
4Iatu PUANG undoanni mintu’ bangsa, sia iatu kamala’biranNa untongloi langi’.
5Mindara la sitinti batunna tu PUANG, Kapenombanta, tu unnisung dao masuanggana.
6Sia kumorong rokko anNa linde-lindei tu mintu’ lanna langi’ sia lanna lino?
7Ia unnendekan to bongko diong mai to’ barra’-barra’, sia umbangunan to mase-mase diong mai to’ so’mak.
8La Napasango’koran to mala’bi’, iamotu mintu’ to mala’bi’na tau iato mai.
9Iatu to tamanang lan tananan dapo’na Napatulangdan Napoindo’ ba’tu pira-pira pia anna parannu paiman. Haleluya!