Alkitab Mobile SABDA
[VER] : [TORAJA]     [PL]  [PB] 
 <<  Mazmur 43 >> 

Siumpu’na pa’pudian

1O Puang Matua, sanda tongannina’ sia paolaina’ salunna, umbali misa’ bangsa tang mekaaluk; lendokanna’ dio mai to patua’ ba’tang sia to kelok.

2Belanna Kamumo Kapenomban pentirerungangku; ma’apari amMi tibemora’? Ma’apari angku lolang ma’pote dibolong, belanna pa’pakario-riona ualingku?

3Pasonglo’mi tu maseroMi sia kamanapparamMi; anna anta’na’, sia umbaana’ langngan buntu maseroMi, sia lako inan Minii torro,

4Angku rampo lako to’ kapemalaranNa Puang Matua, lako Puang Matua, tu oto’na kaparannuan sia kasendeangku, angku ma’katapi umpudiKomi, o Puang Matua, o Kapenombangku!

5Ma’apai ammu ma’dosso-dosso, e deatangku, sia apara bannangna ammu ma’rundede lan kaleku? Rannuanni tu Puang Matua, belanna inang la kupudipa, tu To ullendokanna’ sia Kapenombangku!


  Share Facebook  |  Share Twitter

 <<  Mazmur 43 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2020
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran