Alkitab Mobile SABDA
[VER] : [MONGONDOW]     [PL]  [PB] 
 <<  1 Petrus 3 >> 

1Naí doman tua i mo'ikow bobay mita, kodu-koduduibií ko'i buḷoi monimu, simbaí aka oyuíon ing kon sigad monia in diaí mopirisaya kon habar nongkon i Allah, yo oaíid monimu tua im mokopobalií ko'i monia mopirisaya. Diaí bidon paraḷu im mo'ikow mosingog kon onu bo onu ko'i monia

2Sing ko'ontongan bidon monia kon oaíidmu inta motulid bo motoindudui.

3Dikabií tongaí ko'ontongan kon ḷuai i moḷunat, naí umpamanya mohias kom bu'ok andeka momakeí in hiasan ibanea makow, andeka mogiḷambung doman inta mongomahaḷ.

4Ta'e hiasaibií bonu ing gina monimu in hiasan inta diaí mogogu-goguya'at, tuata im budi inta mopia bo mo'onow in raian. Tuabií in hiasan moḷunat inta kino ibog i Allah.

5Nana'abií in aid im bobay mita koaígama inta noharap ko'i Allah tungkuḷ intua. Mosia mopoḷunat in awak takin aid inta kodu-kodudui ko'i buḷoi monia.

6Natuabií doman ing ki Sara. Sia motoindudui totok ko'i Abraham ki buḷoinya, bo sinangoinya doman ki tuangnya. Mo'ikow nion ki adiíbií mita i Sara, aka umuran mogaid kom mopia bo diaí doman mo'ondok kon yagi-yagi.

7Mo'ikow doman, ḷoḷaki mita komangartibií ko'i buḷoi monimu poḷat doman monota'au kom mosia tua intaubií mita inta molomah. Hormatbií im mosia, sim mosia tua im moyotakin monimu motarima kon hadiah kobiagan inta mononoi nongkon i Allah. Aidaibií in na'a simbaí diaí im mokoḷamboi kon sambayang monimu.

8Na'a ing kasimpulannya: Utat mita, poramiji mobiag motobatuí kon tosingogon bo porasa'an. Mo'ikow musti umuran mositabian naí doyowa mogutat. Mo'ikow musti doman mosituḷungan bo mokopo'ompaí kon dodia.

9Inta mora'at dona'aibií tuliían onu inta mora'at, ande aka sibaían yo dona'aibií monulií monibaí. Ta'e po'igumbií simbaí barakatan i Allah in intau mita inta nomia natua ko'i monimu. Sing ki Allah in nogoinií ko'i monimu, simbaí motarima im mo'ikow kom barakat-Nya.

10Kom bonu im Buk Mosuci aim pinais nana'a, "Intau inta mo'ibog moḷanggoí ing kobiagan bo mo'ibog doman mokorasa kong kobiagan mopia, mustibií ḷukadannya im bibig simbaí diaí mongonguman kon soaáḷ mita inta mora'at bo diaí doman mongonguman kon inta diaí totu'u.

11Sia musti mokopoyayuk kon inta mora'at bo momia kon inta mopia; sia musti totu-totu'u moramiji simbaí moko'ulií kon dodamean.

12Sin umuranbií indoian i Tuhan in intau mita inta dinumudui kon onu inta kino ibog-Nya, bo umuranbií i Tuhan indongogan in sambayang mita monia; ta'e ki Tuhan moḷawangbií kon intau mita inta umuran inta momia kon onu inta mora'at."

13Ki inebií i mo'ibog mopoaíid im mora'at ko'inimu, aka mosanangbií ing gina monimu momia kon inta mopia?

14Ta'e umpakah mokorasa kon roriga lantaran mogaid kon soaáḷ mita inta mopia, ta'e mo'untungbií im mo'ikow! Manangka intua dona'aibií mo'ondok ko'i inekabií bo dona'ai doman umuran molia-liau ing gina.

15Ta'e kom bonu ing ginamu, musti mo'ikow mobogoi im ponghormatan tontanií inta mososuai ing kadudukan-Nya saḷaku Tuhan. Bo umuran pobasadia i motubag kon intau mita inta mo'ibog mopoliboí-liboí kon soaáḷ inta nobalií dodoyonan im pirisaya monimu.

16Ta'e koaḷusbií im pototubag takin hormat. Ginamu musti totu-totu'u motulid, simbaí aka poponapudan in uboḷ mo'ikow lantaran nobiag notompia saḷaku dumodudui i Kristus, daí intau inta noponapud in uboḷ tatua ko'inimu buibií mo'oyak tontanií.

17Manikah mororiga lantaran nogaid kon inta mopia-aka tuabií ing kino'ibog i Allah, daripada mororiga lantaran nogaid kon inta mora'at.

18Sing ki Kristus tontanií tongaíbií doman komintan minatoi lantaran dosa mita intau. Tobatuí intau inta diaí kotaḷaí; minatoi lantaran intau inta kotaḷaí. Ki Kristus nogaid kon tua simbaí kita mota'au-Nya diaan mayak ko'i Allah. Sia ilimod kong ka'ada'an saḷaku intau, ta'e biniag bui kom bonu in Roho.

19Bo kom bonu ing ka'ada'an-Nya saḷaku Roho tatua, Sia minayak nopoyaput in Habar Mopia nongkon i Allah kon intau mita inta pinonjara:

20tuata in roho mita in intau inta diaí motoindudui ko'i Allah kon sempo i Nuh. Ko wakutu intua nosabar totok ing ki Allah nogoḷat ko'i Nuh dodai in nogaid kong kapaḷnya. Tongaíbií taya waḷu inta kom bonu ing kapaḷ tatua im pinosaḷamat nongkon ḷunud inta moḷoben totok tatua.

21Daí baí kota'auandon monimu kon onu inta nobaliídon tatua nobalií olinow im baptisan inta nokosaḷamat ko'i monimu tana'a. Baptisan tatua de'eman tobatuí upacara pondaritan kom bayongan inta nokotor kon awak, ta'e tua in dodandianbií ko'i Allah inta nongkon bonu ing ginamu inta mopia. Baptisan tatua mokosaḷamat ko'i monimu sing ki Yesus Kristus ain nobiag bui nongkon kinopatoian,

22bo ain namonik in soroga. Bo tana'a makow Sia ain nongawasa noyotakin i Allah bo nomarentah doman kom bayongan malaekat, bayongan mongongawasa bo bayongan kakuatan kon dunia na'a.



 <<  1 Petrus 3 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran