Alkitab Mobile SABDA
[VER] : [MONGONDOW]     [PL]  [PB] 
 <<  1 Tesalonika 2 >> 

1Utatku mita, kinota'auan bidon monimu tontani kon oyuíonbií im mangale kinoaíngoian nami kon sigad monimu.

2Bo kinota'auan bidon monimu kon wakutu ing kami diaípa namangoi ko'i monimu kon Tesalonika, kami muna bidon pinogutuí bo siningkule kong kota im Pilipi. Ta'e umpakah nobayong intau moḷawang ko'i nami, ta'e umuranbií inogoian i Allah naton ing kabaranian kami mopota'au ko'i monimu in Habar Mopia inta nongkon i Allah.

3Totunduí nami in no'itutuibií. De'emanbií makusud inta diaí mopia andeka monombodok.

4De'emanbií natua. Kami in diaíbií mosingog sim moposanang kong gina in intau, ta'e moposanangbií ing gina i Allah inta umuran noguji kong gina nami. Sin inanggap-Nya kong kami na'a im mota'aubií mopota'a-ta'au makow in Habar Mopia tatua.

5Kinota'auan bidon monimu kon diaíbií dodai onda ing kami tongaí mopia kon o'uman andeka monombodok ko'i monimu, sim mobuni kom makusud inta tongaí motayak kong ka'untungan tontanií. Ki Allahbií in nonota'au kon tua komintan!

6Bo diaíbií doman dodai onda ing kami moramiji simbaí duiíon monimu ande duiíon in intau ibanea. Umpakah sabanarnya mota'aubií aidan nami intua, sing kami in rasul i Kristus, bo mota'aubií doman tuntuton nami ko'i monimu.

7Ta'e kami in tongaíbií umuran mokopopia kon oaíid wakutu ing kon yuaí-yuaíkpa monimu, naonda bo guyanga bobay monompia ko'i adiínya.

8Natua ing ka'ada'an nami. Lantaran tabi nami totok im moḷoben ko'i monimu, daí nobayagbií ing gina nami im mobogoi ko'i monimu. Na'aibií in tongaí Habar Mopia nongkon i Allah, sedangkan kobiagan nami yo ogoi nami potaru.

9Tantuí kinotoropanpabií monimu ule utat mita naonda im pinogogaid bo pinororamiji nami. Doḷom bo singgai kami mogaid simbaí diaí tobatuímai kon sigad monimu im mororiga wakutu ing kami nopoyaput in Habar Mopia inta nongkon i Allah ko'i monimu.

10Mosuci ing kobobiag nami, mobanar bo diaí in yagi-yagi inta diaí mopia in inaidan nami ko'i monimu inta ain nopirisaya ko'i Kristus. Inontong bidon monimu tontanií ing kami bodongka bidon ki Allah in nonota'au kon tua komintan.

11Kinota'auanbií monimu ing kinototabi nami ko'i monimu. Naonda bo guyanga bo adií.

12Kami umuran mononggina bo mobogoi in dorongan ko'i monimu bo modesak simbaí mo'ikow mo'idudui kon inta kino ibog i Allah. Inoinií-Nya im mo'ikow simbaí mobalií umat kon dunia-Nya inta mobagu bo mokorasa kong kawasa-Nya inta moḷoben.

13Oyuíon in totok mokopia-pia kong gina nami, sahingga kami tantuí mosukur ko'i Allah. Tuata wakutu ing kami nopoyaput in Habar Mopia nongkon i Allah ko'i monimu. Habar Mopia tatua diaíbií tongaí inanggap monimu habar nongkon intau, ta'e totu-totu'ubií Habar Mopia nongkon i Allah. Sin Roho-Nyabií im pinopopakeí-Nya ko'inimu nogaid kon tua mita, intau inta mopirisaya ko'i Yesus.

14Bayongan ginaḷum jama'at i Allah, onu inta kinorasa'an monimu, kinorasa'anbií doman in jama'at mita i Allah inta kon Yudea inta nopirisaya domandon ko'i Kristus Yesus. Mo'ikow pinogutuí doman in yobayat mita monimu tongolipuían, naonda bo inta kinorasa'an in jama'at mita i Allah kon Yudea. Mosia pinogutuí doman in intau mita Yahudi.

15Intaubií mita tatua inta nolimod ko'i Tuhan Yesus bo nabi mita bo inta nomogutuí doman ko'i nami. Mosia mosaturu kom bayongan intau, bo beresibií diaí mosanang ing gina i Allah ko'i monia.

16Modapot im mosia moramiji totok moḷamboi ko'inami mopoyaput in Habar Mopia kon intau mita inta de'eman Yahudi, Habar Mopia inta mokosaḷamat ko'i monia. Intau mita in Yahudi tatua, umuran mogaid kon inta diaí mopia kinobobuíbií monia. Pangabisannya hukumon i Allah im mosia.

17Bayongan ginaḷum jama'at i Allah, wakutu ing kita noyotanga diaí no'onggot -- noyayuk kom mata ta'e nodiugbií kong gina -- totokbií ing kinotanoban nami im mo'ikow bo tantuí ramijion nami simbaí buipa moyodungkuḷ monimu ing kami!

18Kami in noroncanadon mamangoi mokipodungkuḷ ko'i monimu; kotongonumaidon degaí nonungkuḷ ta'e umuran ḷamboian Ibilis in roncana nami tatua.

19Totu'ubií kon tongaíbií mo'ikow nion in nobalií harapan bo inta nobalií batoḷ in dodob nami aka ki Yesus inta ki Tuhan naton mamangoi bui.

20Totu'u kom mo'ikowbií nion batoḷ in dodob bo inta nobalií dodoyonan pia in gina nami.



 <<  1 Tesalonika 2 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran