Hona Uhum Gog, Timbul Goran ni Jahowa Ididah Bangsa-bangsa
1“Ale anak ni jolma, manjahai ma ho dompak Gog, hatahon ma: Sonon do hata ni Tuhan Jahowa: Tonggor ma, roh ma Ahu mangimbang ho, ale Gog, raja ni Ros, Mesek ampa Tubal!
2Ahu do na manogu-nogu ho ampa na mangarahkon ho hun nagori tang parutara, anjaha boanon-Ku do ho hu dolog ni Israel;
3jadi poyutkononku ma siormu hun tangan sambiloumu, ampa lingkitmu hun tangan siamunmu.
4I atas ni dolog Israel do ho rasei, ho ampa balamu haganup ronsi sagala bangsa na niarahkonmu; ondoskonon-Ku do ho bani manuk-manuk panoroh ampa haganup siparhabong ampa bani binatang na i talun gabe sibonduton ni sidea.
5I ladang do ho tompas; tongon, Ahu do na mangkatahon ai, nini Tuhan Jahowa.
6Tongoskonon-Ku do apuy bani Magog ampa bani halak na marianan marsonang-sonang i topi laut, jadi tandaon ni sidea ma, Ahu do Jahowa.
7Pabotohkonon-Ku do goran-Ku na pansing in i tongah-tongah ni bangsang-Ku Israel, seng be mahiri paturuton-Ku goran-Ku na pansing in, gabe botohon ni sagala bangsa ma, Ahu do Jahowa, na pansing i tongah-tongah ni Israel.
8Tonggor ma, na roh ma ai, anjaha saud ma ai, nini Tuhan Jahowa; “ai ma ari, na dob Hulumbahon hinan.
9Jadi luar ma halak pangisi ni huta-huta ni Israel, pagaraonni ma apuy anjaha tutungon ni sidea ma sinjata-sinjata, gantar na etek ampa na banggal, sior ampa lingkit, pukul-pukul ampa tanja; tutungon ni sidea ma ai pala pitu tahun dokahni,
10seng pala porlu be alopon ni sidea soban hun juma, atap manroboh hayu sidea i harangan, ai sinjata ai ma gabe soban bani sidea; sidea ma partaban bani halak na dob manaban sidea, anjaha rampason ni sidea ma halak na dob manrampas sidea,” nini Tuhan Jahowa.
11“Bani panorang ai pasirsiron-Ku do tanoman bani Gog i Israel, ai ma lombang pamontasan hampit hapoltakan ni Laut Matei, gabe tarolat do halak mamontas hunjai. Ijai do itanom Gog ampa haganup balani, anjaha igoran ma ai: Lombang bala ni Gog.
12Pala do pitu bulan dokahni ginompar ni Israel mananom sidea, laho manguras tanoh ai.
13Haganup do bangsa na i nagori ai mananom sidea; gabe tarbarita do sidea, bani panorang ai, sanggah na Hupataridahkon ai hamuliaon-Ku,” nini Tuhan Jahowa.
14“Papuligon ni sidea do halak sidalani tanoh ai torus, laho mananom bangkei na tading i nagori ai, ase taruras tanoh ai; dob salpu pe sipitu bulan ai, ase idalankon sidea pamareksaan ai.
15Jadi isiar halak sipamareksa ai ma tanoh ai, anjaha anggo adong na mangidah holi-holi ni jolma, gabe ibahen ma ijai partanda, das ronsi Lombang Bala ni Gog itanom sipananom ai.
16Sonai ma itanom sidea ganup balani ai ijai; sonai ma panguras ni sidea tanoh ai.
17Tapi anggo ho, ale anak ni jolma, sonon do hata ni Tuhan Jahowa: Hatahon ma bani manuk-manuk, haganup siparhabong ampa hubani haganup binatang na i talun: Martumpu ma anjaha roh ma, marurup ma hanima roh humbani ganup ianan hubani pesta panggalangan na Hupasirsir bannima, ai ma sada pesta panggalangon banggal bani dolog ni Israel; pangan hanima ma gulei anjaha inum ma daroh!
18Daging ni puanglima do panganonnima, anjaha daroh ni raja-raja ni tanoh on do inumonnima; songon biribiri tunggal ampa anak ni biribiri, hambing tunggal ampa lombu jonggi, pinahan na pinamombur i Basan do sidea haganup bannima.
19Panganonnima do taboh-tabohni ronsi bosur hanima, anjaha inumonnima do darohni ronsi mabuk hanima bani pesta panggalangan ai, na Hupasirsir bannima.
20Bosur do hanima idangan-Ku mangankon huda ampa siajak huda, puanglima ampa buei bala, nini Tuhan Jahowa.
21Patimbulon-Ku do hamuliaon-Ku i tongah-tongah ni bangsa-bangsa; idahon ni sagala bangsa do uhum na Hudabuh bani sidea, ampa kuasa ni tangan-Ku na Hupadalan bani sidea.
22Botohon ni ginompar ni Israel ma, Ahu do Jahowa, Naibata ni sidea, humbani panorang ai nari.
23Botohon ni sagala bangsa ma, ase tarbuang pe halak Israel, ai ma halani hajahaton ni sidea. Halani marbalik do sidea hun Bangku, ase Huponopkon bohing-Ku humbani sidea, anjaha Huondoskon sidea hubagas tangan ni munsuh ni sidea, anjaha rasei sidea haganup ibahen podang.
24Hubahen do bani sidea domu hubani habutakon ni sidea ampa panlanggaronni, anjaha Huponopkon bohing-Ku humbani sidea.”
25Halani ai, sonon do hata ni Tuhan Jahowa, “Bahenon-Ku do suang sonari Jakob, anjaha maidop uhur-Hu bani haganup ginompar ni Israel; marah do Ahu mangkopkop goran-Ku na pansing in.
26Lang be taringat sidea bani habadoronni ampa bani pangoseion ni sidea Bangku, anggo marsonang-sonang ma sidea marianan i tanoh ni sidea, anjaha seng dong be panonggoti bani sidea,
27anggo Hupaulak ma sidea humbani bangsa-bangsa, anjaha Hupatumpu sidea humbani nagori ni munsuh ni sidea, anjaha Hupapansing diring-Ku i lobei ni bangsa-bangsa marhitei sidea.
28Jadi tandaon ni sidea ma, Ahu do Jahowa, Naibata ni sidea, na dob mambuangkon sidea hu tongah-tongah ni bangsa-bangsa, tapi na patumpu sidea use hu tanoh ni sidea, anjaha sahalak pe lang humbani sidea na tading Hupaturut i jai.
29Seng be ponopkonon-Ku bohing-Ku humbani sidea, anggo Huuseihon ma Tonduyhubani ginompar ni Israel, nini Tuhan Jahowa.”
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel