Alkitab Mobile SABDA
[VER] : [ABUN]     [PL]  [PB] 
 <<  Filipi 4 >> 

1Sane yo, ji bi nji, ji bi nyanggon gato ji jimnotku, ji mit at ndo nde mo suk gato nin ben ne. Ji mit iwa dom, tepsu ye gato ku sukndo wai o re. Sane yo, ji bi yesyim, nin jom men bi Yekwesu Yesus Kristus bi sukdu-i ne pe it yo, bere nin benbot suk mwa gato ji krom gado ne sor.

2Euodia si Sintikhe, nin ka we jammo ji bi sukdu ré et. Ji kiwa nin ka we bi sukjimnut tepsu dik et. Nin ka we duwer yu o nde, we nin ka we onyar kem mo Yefun Yesus it. Sane nin ka we kibot subere nin ka we kem not et.

3Sane dom, ji ndek mo Sunsugus do, "Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re." Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.

4Men bi Yekwesu Yefun Yesus nai nin sok mo An bi rus-i it, sane kamdik-kamdik nin mit at wa sor. Ji ki nai nin wam dik yo o do, nin mit at wa petok sor.

5Nin ben nin bi suk-i njep su yé mwa ne sino, subere yé mwa ne me do, nin sa, ben nin bi suk-i ne ndo, we karowa men bi Yekwesu Yefun Yesus satu ma it anare.

6Suk gato nin mitmo ne yo, nin nutbot teker nde, nin nutbot sor nin bi sukjimnut waiyu nde. Wo suk mwa gato nin yewa ne, nin ki napyo nai Yefun Allah jam et. Nin ndek mo Yefun Allah subere Yefun syo suk gato nin yewa ne nai nin, ete nin ki ndo mo An sor.

7Sane bere sukjimnut ndo kadit Yefun Allah ben nin bi sukjimnut not satu. Suk gato Yefun Allah ben su men yetu ne, men yo jam kom mo mit nde. Nin si Yesus Kristus tepsu dik it, sane bere sukjimnut ndo kadit Yefun mewa nin mit si nin onyar subere nin bi sukjimnut waiyu o nde.

8Sane ji bi nji, ji bi nyanggon ji yo ki sukdu mwa o nde. Kamdik-kamdik, nin bi sukjimnut sye mo suk sato ré et, nin nutbot suk gato sangge, nin nutbot suk gato ri-roi, nin nutbot suk gato tepsu Yefun Allah mit, nin nutbot suk gato ndo sor, nin nutbot suk gato ibit nde, nin nutbot suk gato ndo wai, nin nutbot suk gato yé ben ete yé mwa iwa ne. Nin nutbot suk gato ndo wai o re, nin nutbot suk gato yé mwa ne un. Nin nutbot suk mwa gane sor re.

9Sukduno gato ji duno nin su ne si suk mwa gato nin me ji ben ne, nin benbot suk mwa ne or sino et. Nin do benbot it yo, Yefun Allah gato ós men bi sukjimnut ne not, bere Yefun Allah ne sisu nin petok sor.

10Ji mit at mo suk gato Yefun Yesus ben mo nin anato nin jimnotku ji satu o. Nam it, nin yo syo suk yo nai ji nde, wo su ré nin jimnotku ji satu. Nin da jimnotku ji, sarewo gabere nin yo ku os wa nin syo suk yo nai ji nde, wo su ré ji ku suk gato nin syo wa ji ne re.

11Ji yo ki subot suk gato ji ku ne, we ji yo yewa suk nde, wo ji nut do, suk gato ji ku mó yo, tep wa ji, ji iwa sor, ji yo nutbot teker nde, we ji o mó re.

12Ji yewa suk yo, ji ku suk mwa yo, ji o mó re. Mo suk mwa ne sino, ji ku sukye e, ji yewa suk e, ji kem not sor, ji yo nutbot teker nde, ji o mó re. Ji on ge yo, ji on de yo, ji yewa suk yo, ji ku suk mwa yo, ji iwa sor, ji yo nutbot teker nde.

13Yesus Kristus anato ben ji nggiwa ji ben suk mwa ne sino re.

14Sarewo suk gato nin bi wa ji ne, ji ki ndo mo nin, we nin anato ós ji mo sukye gato ji ku more ne.

15Ji bi nji, ji bi nyanggon gato kem mo Filipi, nin dakai jam do, subot os ndo gato Kristus kak wa men yetu ne, ji ba duno nin nyim, orete ji mu kadit nin bi bur-i mo Makedonia sa, nin yé gato onyar kem mo Yefun Yesus mo nu ari mone sor ete ós ji. Nin sor si ji tepsu yedik, ete nin syo suk wa ji, tepsu nin si ji ben suk sino.

16Ji ma kom mo kota Tesalonika sa, nin ós ji mone. Nin syo suk gato ji yewa mone wam dik sor nde, wo wam bok yo nin syo suk gato ji yewa ne ma mo ji.

17Ji yo ki subot suk gato nin syo nai ji ré subere nin syo suk yo o nai ji nde. Wo sukndo gato nin ben ne, ji iwa nin ben mwa wai o subere Yefun Allah waii ben sukndo nai nin mwa wai o dom et.

18Su ré ji ku suk mwa gato nin syo wa ji more re. Sane su ré ji yo yewa suk o nde, suk gato nin syo ma ne wai mó re. Suk mwa gato nin syo nai Epafroditus ne, an gwat ma, an syo nai ji more re. Suk mwa gato nin syo ré tepsu suksom gato grik mo Yefun Allah gwem, tepsu suksom gato yé gre wa yé som Yefun Allah su ne. Sane Yefun Allah iwa suk gato nin ben ne.

19Sane yo, Yefun Allah gato jom ji ne, An sa, bi suk mwa wai o re, yo or mo nde, sane bere An ós nin mo suk mwa gato nin yewa ne.

20Sane men bes men bi Ai, Yefun Allah gum kok su kapre mato kapyo sor. Sangge.

21Ji ki ndo mo nin yé gato onyar kem mo Yesus Kristus mone sino. Nin bi nji, nin bi nyanggon gato onyar kem mo Yesus Kristus gato si ji kem more, án sino ki ndo mo nin dom.

22Ye gato onyar kem mo Yesus Kristus gato kem mo kota ré, án sino ki ndo mo nin. Yé gato ben suk mo Kaisar bi nu more, án ki ndo mo nin dom.

23Men bi Yekwesu Yesus Kristus ete mewa nin sino sor. Ndo mo nin sor, kadit Paulus si Timotius


  Share Facebook  |  Share Twitter

 <<  Filipi 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel