Dual Panel1Sitongenna engkana laporan utarima makkedaé ri yelle’mu engka appangaddiyang iya talliwe’-liwe’é: Engka ri yelle’na Saudara iya malawengngé sibawa poro indo’na. Muwi sining tau iya dé’é naissengngi Puwangngé dé’to napogau’i makkuwaéro!
2Namuni makkuwaro, matanré ati mupi Saudara. Sibalé’na harusu’i Saudara messé, sibawa passui polé ri yelle’na Saudara tau iya pogau’éngngi gau’éro.
3Secara mallahéreng mabélaka polé ri iko, iyakiya secara baténg engkaka ri tengnga-tengngamu. Jaji maéloka tinda’ samannaka engka ri yelle’mu, "Ri laleng asenna Puwang Yésus Kristus, upannessai makkedaé tau iya puraé pogau’éngngi pangkaukeng macarépa makkuwaéro, harusu’i rihukkung!" Rékko maddeppungekko angga’ni engkaka hadéré ri yelle’mu enrengngé nasibawang akuwasanna Puwatta Yésus,
4(5:3)
5harusu’ko mabbéréyangngi iyaro tauwé lao ri Ibillisi’ kuwammengngi na watakkaléna iyaro tauwé nabinasa, nanallalengiro naripassalama’ rohna ri wettunna Puwangngé polé paimeng.
6Dé’ nasipato’ko matempo! Naullé muwissenni warékkadaéwé, "Ragi céddé’é pasawéi lama labbu’é!"
7Abbéyangngi riyolo’ ragi iya malaungngéro, iyanaritu ragi dosaé, kuwammengngi mumancaji pada-pada lama labbu iya barué, mapaccing polé ri ragi dosa malaungngé, na uwisseng makkedaé mémeng iko makkuwakoro. Saba’ ramé-ramé Paskata sadiyani, nasaba Kristus mancaji selaku bimbala’ Paskata, purani riyakkarobangeng.
8Jaji, laono mai taramé-raméiwi iyaro péstaé sibawa roti iya dé’é gaga raginna, iyanaritu roti maddapangengngéngngi apaccingengngé sibawa sininna iya nasitujuiyé atinna Allataala. Aja’ taramé-raméiwi pésta Paskaéro sibawa roti iya engkaé ragi launna, iyanaritu ragi dosa sibawa ja.
9Ri laleng sure’ku iya labe’é, upaissengekko kuwammengngi aja’ musiwollompollong sibawa tau pappangaddingngé.
10Iya uwakkattaiyé tenniya tau pappangaddiyé iyaré’ga mangowaé, iyaré’ga pabengnguwangngé iyaré’ga passompa barahalaé iya dé’ sises-sisengngé naissengngi Allataala. Tenniya! Tenniya mennang uwakkattai; saba’ rékko harusu’ko mabélaiwi mennang, tentu parelluko massu siseng polé ri linoéwé.
11Akkattaku iyanaritu, makkedaé aja’ musiwollompollong sibawa tau iya mangakuiyéngngi aléna tau Kristéng, iyakiya iyaro tauwé pappangaddiwi, iyaré’ga mangowa, iyaré’ga passompa barahala, iyaré’ga napoji pau-pau majai tau laingngé, iyaré’ga pammabokeng, iyaré’ga panga. Muwi tudang manré sibawa tau makkuwaéro, aja’to!
12Mémeng, madélékiwi sining tau tenniyaé Kristéng, tenniya urusakku. Allataala muto madélékiwi matu mennang. Iyakiya passalenna anggota-anggota jema’mu, dé’ga na alému muto madélékiwi mennang? Ri laleng Kitta’é tarokii, "Paddésu’i tau majaé polé ri yelle’mu."
13(5:12)