Alkitab Mobile SABDA
[VER] : [KARO]     [PL]  [PB] 
 <<  1 Tesalonika 3 >> 

1Dungna lanai tergengken kami. Emaka itetapken kami tading i kota Atena

2janah isuruh kami Timotius berkat ndahi kam, e me seninanta si erdahin ras kami guna Dibata i bas meritaken Berita Si Meriah kerna Kristus. Isuruh kami ia ndahi kam guna nampati dingen mpegegehi kinitekenndu,

3gelah ula kam murtad sekalak pe erdandanken kiniseran-kiniseran e. Ietehndu maka kiniseran-kiniseran e sada bagin i bas sura-sura Dibata nandangi kita.

4Asum kami i tengah-tengahndu denga, nggo leben ikataken kami man bandu maka kita nandangi isiksa; janah genduari bagi nggo ietehndu si e tuhu-tuhu jadi.

5Erdandanken si emaka terpaksa kusuruh Timotius. Lanai tergengken aku, emaka kusuruh ia ndahi kam guna pepayo ntah tetap denga kam tek man Dibata ntah lang. Labo mungkin kam icubai Iblis seh maka sia-sia kerina pendahin kami!

6Genduari nggo mulih Timotius, janah ibabana berita kerna kiniteken ras keleng atendu. Iturikenna pe man kami, maka tetap nge mehuli pengakapndu kerna kami janah mesikel kal kam jumpa ras kami bagi kami pe mesikel jumpa ras kam.

7Emaka i bas kerina kesusahen ras kiniseran kami, o senina-senina terapul kami erdandanken kam. Kinitekenndu e erbahanca kami terapul.

8Sabap genduari tuhu-tuhu kami nggeluh, adi tetap kam nggeluh rembak ras Tuhan.

9Genduari banci kami ngataken bujur man Dibata erkiteken keriahen si lit i bas kami i lebe-lebe Dibatanta erdandanken kam.

10Suari ras berngi ertoto kami man Dibata alu ukur tutus, gelah banci min kami jumpa ras kam, jenari itambahi kami kai si iperlukenndu guna kinitekenndu.

11Dibata Bapanta, ras Tuhanta Jesus min nikapken dalan man kami gelah jumpa ras kam.

12Ertambah-tambalah min ibahan Tuhan keleng atendu sekalak nandangi si debanna bage pe nandangi kerina manusia seh maka keleng atendu e bali belinna ras keleng ate kami nandangi kam.

13Alu bage ipegegehi Tuhan me ukurndu, janah jadi serta dingen badia me kam i lebe-lebe Dibata Bapanta asum reh pagi Tuhanta Jesus ras kerina jelma si nggo jadi sikerajangenna.


  Share Facebook  |  Share Twitter

 <<  1 Tesalonika 3 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran