Alkitab Mobile SABDA
[VER] : [KARO]     [PL]  [PB] 
 <<  Yesaya 52 >> 

Ipulahi Dibata Jerusalem

1Kekeken, o Jerusalem, kekeken! Pakekenlah gegehndu. O Jerusalem kota si Badia, pakekenlah uis kehaganndu, kalak si la bersih lanai banci mengketi kam.

2Kuisken abu si leket i bas dagingndu; kekeken, tangtangi rante si ngiket kerahungndu o anak kuta Sion si tertaban.

3Nina TUHAN kempak BangsaNa, "Tupung kam idayaken jadi budak labo lit ise pe si nggalarisa. Erkiteken si e guna mulahi kam, la ka bo perlu itebusi.

4Tupung kam jadi kalak pertandang i Mesir si e ilakokenndu arah ukurndu ersuruh. Tapi Assur mabaken kam alu paksa janah la lit sitik pe igalarina kerna kam.

5Janah genduari bage ka nge jadi i Babilon. Kam itabanna, janah la lit sitik pe igalarina. Kalak si merentah kam, meganjang cakapna, janah la erngadi-ngadi megombang ia man bangKu.

6Seh me pagi paksana maka iakuindu Aku Dibata, janah maka Aku nggo ngerana man bandu."

7Seh kal riahna ukur ngidahsa; persuruhen reh ngepari deleng-deleng, maba berita si mehuli, berita perdamen. Imomokenna kemenangen, janah nina man Sion, "Dibatandu raja kap."

8Megi si e pengawal kota ersurak, ersurak ras-ras alu meriah! Alu matana jine idahna TUHAN mulih ku Sion.

9O runtuh-runtuhen Jerusalem, ersuraklah alu meriah, sabap ipulahi TUHAN me Jerusalem IapuliNa me BangsaNa.

10Icidahken TUHAN me KuasaNa, i lebe-lebe mata kerina bangsa. Kerina doni pagi ngidahsa, TUHAN ngkelini BangsaNa.

11Tadingkenlah kota Babil o kam kerina si maba perkakas rumah pertoton. Ula jemak barang si pantang pebadiaken bandu, jenari berkatlah.

12Sekali enda la perlu merudu-rudu kam lawes, sabap labo kam lompat. TUHAN Dibatandu kap si naruhken kam, i pudi dingen i lebe nari IkawaliNa kam.

Suruh-suruhen si ngenanami kiniseran

13Bagenda nina TUHAN, "La kap sia-sia suruh-suruhenKu ndahiken dahinna; ipehaga dingen ipeganjang kal ia.

14Mbarenda nterem kal kalak sengget ngidah ia; sabap nggo ceda kal tempasna seh maka lanai tempa ia manusia.

15Tapi genduari melala bangsa jengang ngidahsa, janah raja-raja la ngasup ngerana perban mamangna atena. Kai si la pernah itehna mbarenda idahna me pagi janah iantusina."


  Share Facebook  |  Share Twitter

 <<  Yesaya 52 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran