1Nyanyeyan ziyara. Oreng se parcaja ka PANGERAN akantha Gumo’ Siyon se ta’ ekenneng gundhek ban terros koko, ban sekken salanjangnga.
2Akantha nong-gunong se ngaobi Yerusalim, kantha jareya PANGERAN ngaobi ommadda sateya ban salanjangnga.
3Oreng jahat ta’ kera terros kobasa e tana sangkolla oreng se jujur atena, sopaja se becce’ ta’ noro’ daddi jahat keya.
4Guste PANGERAN, moga Junandalem saeya ka oreng se sae, ka oreng se atena berse.
5Namong parenge okoman, Guste, reng-oreng jahat se juba’ ate, sareng se nyempang dhari jalannepon Junandalem. Moga ommattepon Junandalem senneng sareng taremtem!