Alkitab Mobile SABDA
[VER] : [MADURA]     [PL]  [PB] 
 <<  Mazmur 54 >> 

1Kaangguy pamimpinna koor. Eerenge calempong. Nyanyeyan pangajaranna Daud, (54-2) e bakto oreng Zifi dhateng mator ka Saul ja’ Daud ngetek e bengkona reng-oreng jareya. (54-3) Ya Allah, nyo’ona salamet abdidalem lantaran kobasaepon Junandalem, parenge abdidalem kaadilan lantaran kakowadannepon Junandalem.

2(54-4) Peyarsa’agi parnyo’onan abdidalem, Guste Allah, peyarsa’agi ator abdidalem.

3(54-5) Sabab abdidalem eserrang reng-oreng manca, epateyana reng-oreng se angko, reng-oreng se ta’ marduli ka Allah.

4(54-6) Tape Allah reya se nolonge sengko’; PANGERAN reya se abillai sengko’.

5(54-7) Salerana ngokom tang moso ngangguy kajahadanna dibi’, mate’e tang moso, sabab Allah esto ka sengko’.

6(54-8) Kalaban ate ehlas abdidalem ngatorragi kurban ka Junandalem, GUSTE, sareng asokkor ka Junandalem lantaran Junandalem sae.

7(54-9) Junandalem malopot abdidalem dhari sadajana kasossa’an, ban abdidalem nengale moso abdidalem epakala.


  Share Facebook  |  Share Twitter

 <<  Mazmur 54 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran