Dual PanelPuji-pujian bani Jahowa,; Sipaluah Israel
1Doding laho tangkog. Humbani si Daud. Ambit lang Jahowa mangkasomani hita, sonai ma patut hatahonon ni Israel. Ambit lang Jahowa mangkasomani hita,
2sanggah roh halak mangimbang hita,
3sai bondutonni do hita manggoluh, sanggah gajag ringis ni sidea dompak hita;
4ayubkonon ni bah do hita, anjaha landaon ni bah marbanggal,
5langkoban ni bah marhasak do tonduyta, tongon.
6Na puji ma Jahowa na so mangondoskon hita, gabe sisorohon ni ipon ni sidea.
7Maluah do tonduyta songon manuk-manuk humbani sambil ni parsambil, rotap do sambil, gabe maluah hita.
8Pangurupion banta, ai ma ibagas goran ni Jahowa, na manompa langit pakon tanoh on.