Alkitab Mobile SABDA
[VER] : [NIAS]     [PL]  [PB] 
 <<  Wahyu 1 >> 

1Õsi mbuku andre sanandrõsa ba ngawalõ hadia nifa'ele'õ Yesu Keriso so'amakhaita ba ngawalõ zalua dania. No I'ombakha'õ Lowalangi khõ Keriso, ena'õ Iforoma'õ khõ genoni Lowalangi hadia ia zi lõ tola lõ alua ba zi lõ ara tõ. Ba Ifatenge mala'ika-Nia Keriso khõ Yohane, enoni-Nia, ba wangombakha ngawalõ zalua andrõ khõnia.

2Ba Yohane gõi idunõdunõ fefu ni'ilania andrõ; ba da'e ni'ombakha'õnia sanandrõsa ba ni'oroi'õ Lowalangi nifa'ema Yesu Keriso.

3Ya'ahowu zombaso ba samondrongo turia wama'ele'õ andre ba solo'õ nisura ba da'õ. Bõrõ me lõ ara tõ alua da'õ fefu.

4Ya'ami ira talifusõ si so ba zi fitu nahia ba Asia! Ya'odo, Yohane, udõnadõna wa falukha ami wa'ebua dõdõ ba fa'ohahau dõdõ Lowalangi -- ya'ia da'õ, Ya'ia zi so, si no so, ba si so dania -- ba moroi ba Geheha andrõ si fitu si so fõna dadaoma-Nia,

5ba moroi khõ Yesu Keriso, samaduhu'õ si lõ farõi. Ya'ia zi ofõna sibai mu'orifi moroi ba wa'amate ba samatõrõ fefu razo ba gulidanõ. I'omasi'õ ita Yesu, ba wa'amate-Nia I'efa'õ ita moroi ba horõda.

6Aefa da'õ Ibali'õ ita soi fa'a'ere ni'oniagõ, si mõi enoni Nama-Nia, Lowalangi. Yesu Keriso andrõ zebua ba sabõlõ irugi zi lõ aetu. Yaduhu!

7Mifaigi, tohare Ia ba lawuo! Fefu niha oi la'ila Ia, fao ba da'õ zamahõ Ya'ia. Fefu soi ba gulidanõ ba oi mege'ege bõrõ Ia. Ya'ia, itõrõ! Yaduhu!

8"Si fõfõna Ndra'o, ba Safuria," Iw̃a'õ So'aya Lowalangi, si so, ba si no so, ba si so andrõ dania, Fondrege Zabõlõ.

9Ya'o, Yohane! Talifusõmi si fao awõmi ba wanaõgõ famakao si falukha dozi solo'õ Keriso. Tataha dõdõda ba wamakao andrõ, ya'ita banua tana khõ-Nia. Tetibo'õ ndra'o ba Hulo Fatemo, bõrõ me uturiaigõ duria soroi Lowalangi, nifa'ema Yesu.

10Me luo Zo'aya, Ifatõrõ wa'aurigu Eheha Lowalangi, i'anema'õ urongo li sebua -- si mane li dorofe -- fahuhuo furigu.

11Imane, "Sura hadia ni'ilau, ba fa'ohe'õ mbuku andrõ ba mbanua Niha Keriso si fitu, ya'ia; Nefeso, Simina, Feregamo, Tiatira, Zade, Filadefia, ba La'odikia."

12Ba ubali'õ ndra'o furi ba wamaigi haniha zi hede andrõ khõgu. I'anema'õ u'ila fitu ngawua naha wandru -- si so tumbo -- nifazõkhi moroi ba gana'a.

13Ba gotalua naha wandru andrõ musindro samõsa zi hulõ niha. No Ifake mbaru sanau si rugi ahe. No Ifake gana'a sombalugõ tõtõ'a-Nia.

14Afusi mbu-Nia hulõ mbu mbiribiri, si mane fa'afusi gafasi. Moholahola hõrõ-Nia si mane alitõ;

15ahe-Nia no oyo si mane tambaga nifahele ba galitõ. Li-Nia si mane fe'ugu'ugu nidanõ sebua salaw̃a lulu.

16No Igogohe tanga-Nia kambõlõ fitu ndrõfi, ba moroi ba mbawa-Nia alua sara gari satarõ si faoma bawa. Sikhala-Nia mohaga si mane haga luo ba dalu zi ma'õkhõ.

17Me u'ila Ia, alau ndra'o fõna-Nia si mane si no mate. Ba hiza, Itufa ndra'o tanga-Nia kambõlõ, ba humede Ia, "Bõi ata'ufi! Ya'o zi Fõfõna ba Safuria.

18Ya'odo zi no auri andrõ! No mate-Do, ba faigi, auri Ndra'o irugi zi lõ aetu. Ya'o zamatõrõ fa'amate, ba fa'auri niha si no mate.

19Bõrõ da'õ, sura hadia ia ngawalõ ni'ilau, hadia ia zi so iada'a, ba hadia ia zalua dania.

20Da'e geluaha zi no tobini ni'ilau ba ndrõfi andrõ si fitu, si so ba danga-Gu kambõlõ, ba ba naha wandru ana'a si fitu andrõ. Dõfi si fitu andrõ ba ya'ia mala'ika mbanua Niha Keriso si fitu, ba naha wandru andrõ si fitu ba banua Niha Keriso si fitu andrõ."



Download Audio MP3 (Wahyu 1):
Mobile (Low Quality) - CD (High Quality)

 <<  Wahyu 1 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2021
Alkitab.SABDA.org

Android.SABDA.org
SABDA.mobi
Bantuan
Single Panel

Laporan Masalah/Saran