Puji-pujian bani Jahowa humbani Sagala na Tinompa
1Haleluya. Puji ma Jahowa hun nagori atas, puji ma Ia bani ianan na i babou.
2Puji ma Ia, nasiam haganup malekat-Ni, puji ma Ia nasiam ganup bala-Ni.
3Puji ma Ia, ale mata ni ari ampa bulan; puji ma Ia sagala bintang na marsinalsal.
4Puji ma Ia, ale langit ni langitan, ampa nasiam bah na i atas ni langit.
5Sai ipuji sidea ma goran ni Jahowa, halani marsahap Ia, gabe jadi ma sidea.
6Ia do na patotap sidea ronsi sadokah ni dokahni, ibere do bani sidea aturan, na so boi langgaron.
7Puji ma Jahowa hun tanoh on, hanima dengke bolon na i laut ampa luhung na bagas;
8ale apuy pakon sira-sira, salju pakon hombun na manorap, sonai haba-haba na pasaudkon hata-Ni;
9ale dolog-dolog pakon buntu-buntu, hayu na marbuah ampa ganup hayu ares;
10ale binatang pakon ganup pinahan, sagala na manjulur pakon manuk-manuk na marhabong;
11ale raja-raja ni tanoh on ampa sagala bangsa, ale na sangap-sangap ampa panguhum na i tanoh on;
12ale nasiam garama pakon anak boru, nasiam na matua rap pakon dakdanak.
13Talup do sidea mamuji goran ni Jahowa, ai pitah goran-Ni do na timbul, anjaha hamuliaon-Ni do na mangatasi tanoh pakon langit.
14Ia do na patimbul tanduk bani bangsa-Ni, gabe puji-pujian bani ganup na hinaholongan-Ni, bani ginompar ni Israel, bangsa na rapat hu Bani. Haleluya.
Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Single Panel