Alkitab Mobile SABDA
[VER] : [ABUN]     [PL]  [PB] 
 <<  Wahyu 20 >> 

1Ji me suk bok gane or sa, ji sokme malaikat ge dik yo o is kadit gu ma. Malaikat ne jom kunci gato tep wa kak kwoye sye mo bur desnak ne syo. Malaikat jom bus sye dom.

2Malaikat but naga, gato ben bi suk-i tepsu kwis kadit nyim tuya gato biris bi yekwesu, gato ye kendo gum do Iblis ne. Malaikat but naga ne ete rai su bus sor kom mo tahun ribu dik.

3Malaikat rai naga ne pe ete am mo kwoye sye mo bur desnak. Orete an domwa kwoye sye mo bur desnak ne syo krat wari wa naga ne. An ben syik mone subere ye yo ma kak o nde, subere naga yo ku os wa ben kidar nje mo bur ré iwedewe o nde, sane sor tahun ribu dik or. Tahun ribu dik or wé, ete ye kak kwoye sye mo bur desnak ne syo wa naga syesyar wikgan.

4Orete ji sokme yekwesu bi kursi bok yo. Yé gato kem mone anato yé gato ku suktinggi wa jom ete ndobot yetu. Sane dom ji sokme yetu ge bok yo gato ye gu kwop. Ye tot yé bok ne su toko wé su mbam, we yé bok ne ki subot suk gato Yefun Yesus ben ne, án ki subot Yefun Allah bi sukdu-i. Yé bok ne yo som suge doketke si suk gato ye ut ka sa suge ne nde. Ye yo syat suge doketke bi ja mo yé bok ne git det nde. Ye yo syat ja mo yé bok ne syim rut ne dom nde. Yé bok ne Yefun sun kadit sukkwop o re, án si Kristus jom nje tepsu yekwesu sane sor kom mo tahun ribu dik.

5Yé bok ne anato yé gato Yefun Allah sun kadit sukkwop su wam doketke. (Sarewo ye yi neya gato kwop, bere eswa tahun ribu dik ne or wé, ete bere Yefun Allah sun án dom.)

6Yé gato Yefun Allah sun su wam doketke ne, yé ne sa, mit at wa. Yé bok ne tep wa Yefun Allah nai sok mo Yefun dakai bi rus-i ne. Bere yé bok ne yo kwop wam kedowe o nde, wo án tepsu yegweswai wa yetu si Yefun Allah. Yé bok ne ben suk wa Kristus sor. Bere án si Kristus jom nje ne sor kom mo tahun ribu dik ne re.

7Tahun ribu dik ne orete yo, malaikat sombok biris bi yekwesu kadit nat gato ye rai an mone.

8Biris bi yekwesu bere mubot bur mwa ne sino ete ben kidar nje mo bur ré iwedewe. Biris bi yekwesu ben kidar yewis deyo gato gum do Gog si yewis deyo o gato gum do Magog. Biris bi yekwesu ben kidar yewis mwa ne sino subere án sino sum wa gu Yefun bi rus-i mone. Yetu ne mwa wai o re. Yetu ne mwa tepsu yen mo sem de.

9Yetu mwa ne sum ete mubot bur ré sor, án kom mo kota gato Yefun Allah jimnotku. Yefun Allah bi rus-i sum mone, ete yetu mwa ne ti wairi wa Yefun bi rus-i, sarewo bot is kadit gu ete git yé mwa gato futma gu Yefun bi rus-i ne, yé mwa ne kwop or.

10Orete biris bi yekwesu gato ben kidar yé mwa ne, Yefun am mu ngga mo bot sye gato tepsu em ete ru sye basmi kwik su belerang. Yefun Allah am biris bi yekwesu mo nat gato Yefun am suge doketke si suge kedowe, gato tepsu yenabi gato kidar nje ne, nyim wé re. Mo bot ne, biris bi yekwesu e, suge doketke si yenabi ne ku sukye ete dipa su noru nombrak sane sor to kapyo mato kapyo.

11Orete ji sokme Yefun Allah gato kem mo An bi kursi kwo gato sye. Bur ré si gu nim ne fres wé kadit An re. Ye yo ku bur ré si gu nim ne o nde.

12Ji sokme yé mwa ne sino gato kwop sum mo kursi sye ne gwem. Yé gato gum sye e, yé gato gum wok e ne, yé mwa gato kwop ne sino ti mo kursi sye ne gwem. Buku bok yo kak mone. Orete ye nai Buku dik yo o ma, ye kak mone dom. Ye krom yé gato bere kem gesyos ne gum mo Buku ne. Or o Yefun Allah syo sukye nai yetu gato kwop ne tepsu sukdu gato ye krom mo buku bok ne. Yefun Allah syo suk nai yetu mwa ne tepsu suk gato yetu mwa ne ben re.

13Yé gato kwop mo sem mit syesyar ete ma ti mo Yefun Allah gwem. Yé gato mo gwinggri syo mo bur desnak si sukkwop bi nat-i ne syesyar sino ma ti mo Yefun Allah gwem dom. Orete Yefun Allah syo sukye nai nje gedik-gedik tepsu suk gato gedik-gedik ben ne.

14Orete sukkwop bi nat-i si gwinggri syo mo bur desnak ne, ye am mu ngga mo bot sye gato tepsu em ete ru su nyor. (Bot sye gato tepsu em ete ru ne anato tepsu sukkwop kedowe.)

15Ye to ye yo krom an gum mo Buku Yegesyos nde yo, bere ye am ye ne mu ngga mo bot sye gato tepsu em ete ru ne.


  Share Facebook  |  Share Twitter

 <<  Wahyu 20 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel