Alkitab Mobile SABDA
[VER] : [ARALLE]     [PL]  [PB] 
 <<  2 Yohanes 1 >> 

1Pano di jumaa' ang napillei Puang Alataala. Hao mai di kodi', pebulle ada'. Kukalemui si'da-si'dakoa'. Dai kodi' supu, ampo' ingkänna toi to ungkalesong katahpa'anna Puang Alataala. Kikalemuikoa' aka' ingkännaingkea' umpetahpa' pepakuhu ang tahpa'. Anna yato pepakuhu la tohho lolo yaling di kalaeta, lambi' sapano-panona.

2(1:1)

3Ke la malai Puang Alataala, Ambeta, anna Puang Yesus Kristus, Änä'na, la umbeheingkea' anna ungkalemuiingkea' sibaha memana' kamasahkeang anna kamalinoang. Ingkänna yatoo tipungngu' anna tandaang yaling di katahpa'ang anna pa'kalemu.

4Kahsi liuä' tahpana kuinsang kuoatee ahang yaling di alla'-alla'mua' membabe situhu' katahpa'ang ang napahentaingkea' Ambeta.

5Anna dinoa aha palaungkua' mating dianto: Ke la malai anna sikalemui loloingkea' mesa anna mesa. Inde ang kuuki'ingkoa' tadia pahenta ang mane dianna ditula', ampo' pahenta ang inang masaeng tahingngi, yato ang puha ditula'ingkea' mengkalao pampahandu'anna mampetahpa'ingkea' pano di Puang Yesus.

6Yato ang dioaintee pa'kalemu, dianto untuhu'i ingkänna pahentana Puang Alataala. Anna yato pahenta inang puhangnga' unghingngi mengkalao pampahandu'anna anna mampetahpa'koa' pano di Puang Yesus ang naoatee, la si ungkalemui lolokoa' solamu.

7Aka' mai'ding to pampasähsä' lalang kende' anna mao mampakuhu tama inde di lino. Tau yatoo dai naakui naoatee, "Puang Yesus To Dilanti' la Mepasalama' tamang inde di lino menghupatau." Tau ang noa yatoo dianto to pampasähsä' lalang anna to umpa'bali Puang Yesus Kristus.

8Dahi la undakai manahpakoa' kalaemu andana labu' kalei yato pengkähängangki' anna malai untahimbo asangnga' sahomu yaho mai di Puang Alataala.

9Menna-menna dai umpentokei pepakuhunna Kristus, ampo' untuhu'i toboe' pihki' kalaena, tau yatoo dai aha kasikenteanna dai' di Puang Alataala. Ampo' menna-menna umpentokei manahpa pepakuhunna, ya' ahane' kasikenteanna dai' di Puang Alataala Ambeta sibaha Änä'na.

10Ponna ke ahai sule tau mampellambi'ikoa' umbaha pepakuhu ang tadia pepakuhunna Puang Yesus Kristus, daa untahimboi yato tau yaling di dasammu anna daa umbeaia' inaha.

11Aka' menna-menna umbeai inaha, tau yatoo mempola toe' yaling di pengkähängang karakena.

12Moinnakato anna mai'dike' ang pahallu kutula'ingkoa', ampo' dai kuaku kupayaling asang inde di suha', aka' mopahtuyumä' la mating anna malai sitingngayoingkea' ma'tula', lambi' la sundung kakahsiantaa'.

13Salama'na toi are' mating solasohommu dinne di jumaa' ang napillei Puang Alataala.


  Share Facebook  |  Share Twitter

 <<  2 Yohanes 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel