Alkitab Mobile SABDA
[VER] : [ARALLE]     [PL]  [PB] 
 <<  Filipi 1 >> 

1Pano di ingkänna petauanna Puang Alataala ang mampetahpa' pano di Kristus Yesus diting di Bohto Mahoa' Filipi. Noa toi ingkänna pebulle ada' ang mendahi to pangkambi' yaling di jumaa' anna ang si undului tau yaling di jumaa'. Hao mai di kodi' Paulus, sibahaang ta Timotius, ang sahing sabua'naang Kristus Yesus.

2Kuhannuang ke la malai Puang Alataala Ambetaa' sibaha Puang Yesus Kristus Dehatanta la umbehekoa' anna namana'koa' kamasahkeang sibaha kamasannangang.

3Ponna ke kukalehai bumokoa', ya' ma'kuhhu'sumanga' bumä' dai' di Puang Alataala ang kupenombai.

4Ma'sambayang bouä'too, ya' kupa'sambayang tumingkoa' dio sitonda kakahsiang,

5aka' mesa inaha loloingkea' umpepainsangnging sau tama yato Kaheba Mapia mengkalao anna umpahandu'ia' mampetahpa' lambi' dinoa.

6Inde pengkähängang mapia puhang napahandu' Puang Alataala yaling di inahammua'. Anna kuhannuang liu kuoatee la napatahhi' lolo Puang Alataala lambi' napasundung yato di allo kasuleanna Kristus Yesus kapendoanna.

7Ahana sihatang kusa'ding ma'pihki' noa indee aka' tontong lolokoa' yaling di inahangku anna aka' mangngala taha tumokoa' dio yaling yato di pengkähängang ang namana'ingkä' Puang Alataala. Tontong lolokoa' unduluiä', noa dinoa lella'ä' ditahungkung, noa tunne' yato naonge anna kupakaleso manahpaing pano di hupatau ang umbahoi yato Kaheba Mapia.

8Nainsang Puang Alataala umba noa kukarohhengngi anna kupakamayakoa' sinnoa pepakamayanna Kristus Yesus di dioa'.

9Anna dianto indee ihsinna sambayangku: kupa'sambayangngingkoa' anna malai tuhtuang napunnoikoa' pa'kalemu sibaha kapainsangang anna kakeaka'ang.

10Kupalau yatoo anna malakoa' ungnginsang umpasise'la aka ang handang mapia la dibabe anna malai masero katuhoammua' anna dai aha ang mansallakoa' lambi' kasuleanna Kristus kapendoanna.

11Anna la punnoa' yaling di salu katuhoammu ingkänna pembabe maroho aka' pengkähänganna Puang Yesus Kristus, lambi' la dipa'käyyängngi anna dipamatande Puang Alataala.

12Oa' ingkämmu solasohongku, masannang liuä' ke la malai ungnginsangnga' ungngoatee inde yalingngä' di tahungkung dinoa, bilang diang napolalang tuhtuang tisembu' sau tama yato Kaheba Mapia.

13Lambi' ingkänna tau ang si undakai dasanna tomaraya anna ingkänna tau senga' ang yaling inde di bohto mahoa', sika nainsang asammi suhunna anna ditahungkungngä' aka' umpepainsangngingkä' Kristus.

14Mane ahai, mai'di solasohonta to mampetahpa' yaling inde di bohto mahoa' tuhtuang hannu dai' di Dehata, aka' nainsang naoatee naduluiä' yaling inde di tahungkung dinoa, lambi' tuhtuang sika bahani umpepainsangnging Bahtakaranna Puang Alataala.

15Aha toe' sangngaka-sangngaka tau ang pemala sika umpepainsangnging kahebana Kristus aka' naolanna kale timbuhu anna ma'kasuehe di kodi'. Ampo' aha toe' tau senga' ang umpepainsangnging kahebana Kristus aka' mopahtuyu mapia.

16Inde mai tau ang mopahtuyu mapia membabe noa aka' nakalemuiä'. Aka' nainsammi naoate nasuoä' Puang Alataala sule dinne umpakaleso manahpaing yato Kaheba Mapia pano di tau ang mambahoi.

17Ampo' yatone' ang ma'kasuehe umpepainsang toinne' Kristus aka' pemala la dipa'käyyängngi. Sika napanoa anna malai tuhtuang masuhsaä' yaling di tahungkung.

18Ampo' pabei tomande'i. Aka' pano di tau ang umpepainsangnging Kaheba Mapia, moi mopahtuyu mapia, bahtu' mopahtuyu karake, sahing umpepainsang siaming Kristus. Dahi yaling inde di kaha-kaha masannang loloä'. Anna la tontong loloä' kahsi

19aka' kuinsang kuoatee pa'sambayammua' anna petehtena Inaha Maserona Puang Yesus Kristus lambi' la malaä' dilahpa'.

20Aka' kuhannuang si'da-si'da anna pemalaä' anna dai la aha ang kuposili kubabe di hao di olona Kristus yaling inde di pengkähängangku. Ampo' noa yato ang inang si kubabe, la bahani loloä' umpainsangngi hupatau didiona Kristus anna malai, noa yaling di katuhoangku noa toi yaling di kamateangku, Kristus supu la dipamatande yaling di pengkähängangku.

21Aka' di kodi'na kodi', tuhoä' anna mate, ya' sinnoa siang. Tuhoä', umpasatutu inahangku dai' di Kristus; noa tunne' ke mateä', ya' la ullambi'ä' kakehongko'ang.

22Ampo' dakaleng kuinsang kupillei, aka' ponna ke tuhoä' yaling inde di lino, ya' malakä' umbabe pengkähängang kekuna. Dianto anna dang kuinsang umba kahang ang la kuola.

23Aka' nasialaiä' inde derua kaha-kaha. Pemalaä' la kupellei inde lino mao umpempakoi Kristus, aka' ahana inang dianto ang handang mapia kusa'ding.

24Ampo' aka' pahallu burakoa' la kudului, dahi dotante' tohhokä' yaling inde di lino.

25Aka' kupetahpa' kuoatee la mapia puha ke tohhokä' yaling inde di lino, lambi' kuinsang kuoatee la tuhokä' anna la sibaha-bahakingkea' anna malakoa' kudului, lambi' la tuhtuang matohoa' kapampetahpa'ammu anna la tuhtuang käyyäng kakahsiammua' yaling mampetahpa' pano di Puang Yesus Kristus.

26Dahi ponna ke sumulemä' mating, ya' la tuhtuang masannang inahammu umpudi Kristus Yesus ang mandakaiä'.

27Ang handang pahallu, dianto yaling di ingkänna pembabemua' la membabekoa' situhu' pembabena tau ang untuhu'i yato Kaheba Mapia didiona Kristus. Aka' ponna ke umpanoaia' yatoo, ya' moi silambi'ingkea' bahtu' daingkea' silambi', la kuinsang lolo kuoatee tontongkoa' mesa inaha anna mesa pahtuyu yaling di kakalebuang ang ke'de' matoto' anna matihta ungngoloi pa'tolla'ang. Kuhannuang la umpasatutu loloa' inahammu pano yato di Kaheba Mapia anna malai tuhtuang kehängngäng to mampetahpa'.

28Anna moi aka ang la nababe ingkänna balimmu mating di dioa', dakoa' la mahea'. Aka' ponna ke dakoa' mahea', ya' tandaammi dioatee la sika ullambi'ne' katallangang, ampo' dioa'-dio la ullambi'koa' kasalama'ang. Ingkänna yatoo Puang Alataala toboe' mangkähäng.

29Aka' puhamokoa' namana' Puang Alataala behe, anna malakoa' dai supung mampetahpa' pano di Kristus, ampo' la ungngolai toukoa' nei' kamadahhaang yaling inde di lino aka' mampetahpa'koa' pano.

30Dinoa mangngala taha tumokoa' dio yaling inde di pa'tolla'ang umba noa ang puhaa' ungngita dolu yato ang kuoloi, anna ungnginsangngia' ungngoatee tontong loloke' kuoloi lambi' dinoa.


  Share Facebook  |  Share Twitter

 <<  Filipi 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel