Alkitab Mobile SABDA
[VER] : [BABA]     [PL]  [PB] 
 <<  1 Korintus 13 >> 

1Kalau sahya chakap dngan sgala bhasa manusia dan mla'ikat pun, ttapi sahya t'ada kaseh, sahya sudah mnjadi sperti tmbaga yang berbunyi atau breng-breng yang gmren-cheng.

2Dan jikalau sahya dapat nabuat, dan tahu sgala ruhsia dan sgala pngtahuan; dan jikalau sahya dapat perchaya dngan s-chukop-nya, sampaikan boleh pindahkan gunong, ttapi sahya t'ada kaseh, sahya jadi satu pun tidak.

3Dan kalau sahya kasi smoa sahya punya herta buat makanan kerna orang lapar, dan kalau sahya srahkan sahya punya badan spaya kna bakar, ttapi sahya t'ada kaseh, itu smoa t'ada apa fa'idah sama sahya.

4Kaseh itu panjang sabar-nya, dan murah hati; kaseh itu t'ada dngki: kaseh t'ada mgahkan diri-nya, t'ada sombong,

5tengkah-laku-nya bukan ta'snonoh, t'ada chari sndiri punya perkara, t'ada naik mradang, t'ada hitong orang punya salah;

6t'ada bersuka-suka fasal kjahatan, ttapi bersuka sama-sama kbtulan itu;

7kaseh itu tahan smoa perkara, perchaya smoa, harap smoa sabarkan smoa.

8Kaseh itu t'ada pernah nanti putus: ttapi kalau nabuat, itu nanti ada ksudahan-nya; kalau bhasa, smoa itu nanti brenti; kalau pngtahuan, itu pun nanti ada ksudahan-nya.

9Kerna kita tahu chuma sparoh saja, dan kita bernabuat pun sparoh saja:

10ttapi bila apa yang smpurna sudah datang, apa yang sparoh-sparoh saja nanti ada ksudahan-nya.

11Bila sahya lagi budak sahya berchakap sperti budak-budak, sahya fikir pun sperti budak-budak, dan sahya timbang pun sperti budak-budak: skarang sdang sahya sudah chukop umor, budak-budak punya perkara smoa sahya sudah tpikan.

12Kerna ini ktika kita tengok sperti di dalam chermin muka, dngan kabur; ttapi itu ktika pula muka tntang muka: skarang sahya tahu chuma sparoh saja: ttapi itu ktika sahya nanti tahu sama sperti Allah tahu sama sahya.

13Ttapi skarang ini tertinggal perchaya, harap, kaseh, ini tiga; dan antara ini smoa yang bsar skali kaseh.


  Share Facebook  |  Share Twitter

 <<  1 Korintus 13 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel