Dual Panel1Kerna kamu sndiri tahu, hei sudara-sudara, hal kita datang jumpa sama kamu, ia'itu bukan-nya sia-sia:
2ttapi sunggoh pun dhulu kita kna susah dan kna chlaka di Filipi, sperti kamu pun tahu juga, dalam kita punya Allah kita sudah mnjadi brani katakan injil Allah k-pada kamu, mski pun dngan banyak perlawanan.
3Kerna kita punya nasihat bukan-nya deri-pada ssat, dan bukan-nya deri-pada kotoran, dan bukan-nya dngan tipu-daya:
4ttapi sperti kita sudah jadi berknan sama Allah dalam hal dia sudah srahkan injil k-pada kita, bgitu juga kita berchakap; bukan-nya sperti mau sukakan manusia, ttapi sukakan Allah yang uji hati kita.
5Kerna t'ada-lah pernah kita pakai perkata'an puji-puji, sperti kamu pun tahu juga, dan t'ada juga kita tutopkan tma'a, Allah juga-lah yang bersaksi;
6dan bukan-nya kita chari kmulia'an deri-pada manusia, baik deri-pada kamu sndiri, atau deri-pada lain-lain orang, sunggoh pun kita ada kuasa kasi kamu brat, sdang kita jadi Almaseh punya rasul-rasul.
7Ttapi balek, kita jadi manis di antara kamu, sperti bila satu mak kasi tetek sama anak-nya sndiri:
8bgitu juga, sbab kita banyak rindu sama kamu, kita sudah suka-hati bukan saja mau bhagikan k-pada kamu injil Allah, ttapi kita punya nyawa skali pun, sbab kita sudah banyak sayang sama kamu.
9Kerna kamu ingat juga, hei sudara-sudara, kita punya kerja dan pnat: siang-malam kita sudah bkerja, spaya jangan kita kasi brat k-pada satu orang pun di antara kamu, dan bgini-lah kita sudah khabarkan injil Allah k-pada kamu.
10Kamu ini mnjadi saksi, dan Allah pun sama-sama, brapa suchi dan bnar dan t'ada bersalah kita punya klakuan sudah ada k-pada kamu yang perchaya:
11sperti kamu tahu juga bagimana kita sudah nasihatkan kamu masing-masing, sperti satu bapa sama anak-anak-nya sndiri, dan kita sudah branikan hati kamu,
12dan minta spaya kamu punya klakuan boleh jadi s-padan sama Allah, yang panggil kamu masok dia punya kraja'an dan kmulia'an sndiri.
13Dan kerna ini sbab, kita ini pun mnguchap shukor k-pada Allah dngan t'ada berrnti-rnti, ia'itu sbab bila kamu trima deri kita itu perkata'an Allah yang di-khabarkan, kamu sudah sambot bukan-nya sperti perkata'an manusia, ttapi yang s-btul-nya Allah punya perkata'an, yang ada bkerja di dalam kamu yang perchaya.
14Kerna kamu ini, hei sudara-sudara, sudah ikut tuladan sgala eklisia Allah di tanah Yahudiah yang dalam Isa Almaseh: kerna kamu pun sudah kna tahan itu perkara juga deri-pada orang bangsa sndiri, sperti dia-orang kna tahan deri-pada orang Yahudi;
15yang sudah bunoh Tuhan Isa, dan nabi-nabi pun, dan sudah aniayakan kita, dan t'ada berknan k-pada Allah, dan mlawan smoa manusia;
16serta larangkan kita jangan chakap sama orang bangsa-asing spaya itu orang smoa boleh dapat slamat; jadi orang-orang Yahudi itu slalu gnapkan dia-orang punya dosa: ttapi Allah punya marah sudah datang atas dia-orang dngan s-pnoh-pnoh-nya.
17Ttapi kita ini, hei sudara-sudara, sbab sudah kna chrai deri-pada kamu chuma s-kjap saja, ia'itu badan bukan hati, lbeh lagi kita sudah usahakan diri mau tengok kamu punya muka, dngan sangat rindu-hati:
18sbab itu kita sudah mau datang k-pada kamu, sahya ini Paulus bukan satu kali; ttapi Setan tahankan sama kita.
19Kerna yang mana-kah kita punya pngharapan, atau ksuka'an, atau makota kmgahan? Bukan-kah kamu juga, di dpan Tuhan kita Isa waktu kdatangan-nya?
20Kerna kamu-lah yang mnjadi kmulia'an dan ksuka'an kita.