Dual Panel1Ttapi Roh ada kata dngan nyata, yang waktu yang kmdian ada orang nanti undur deri-pada iman itu, sbab ingat sama jin yang ssatkan orang dan sama pngajaran sgala Setan,
2oleh pura-pura orang yang berchakap bohong, yang angan-angan hati-nya sudah kna slar bsi panas;
3dan yang larangkan orang kahwin, dan patangkan makanan yang Allah sudah jadikan spaya boleh di-trima dngan shukor oleh orang yang ada perchaya dan tahu kbtulan itu.
4Kerna Allah punya kjadian smoa ada baik, dan satu pun t'ada patut di-buangkan, jikalau orang trima dngan mnguchap shukor:
5kerna itu di-kuduskan oleh perkata'an Allah dan oleh do'a.
6Jikalau angkau kasi ingat ini perkara smoa sama sudara-sudara, angkau nanti jadi Isa Almaseh punya playan yang baik, dan yang ada plajaran dalam perkata'an iman, dan dalam smoa pngajaran baik yang angkau sudah turut:
7ttapi chrita orang ssat, dan chrita prempuan-prempuan tua, baik tolakkan. Dan baik angkau biasakan diri k-pada kbaktian:
8kerna biasakan badan ada juga sikit guna-nya; ttapi kbaktian ada berguna kerna smoa perkara, sbab sama itu ada perjanjian kerna hidop yang skarang ini, dan yang mndatang pun.
9Ini perkata'an kperchaya'an, dan patut-lah smoa orang trima.
10Kerna deri sbab ini-lah kita ada berpnat dan berlawan, sbab kita sudah harap sama Allah yang hidop, yang mnjadi smoa orang punya Juru-slamat, terlbeh skali orang yang perchaya.
11Smoa ini baik angkau psan dan ajar.
12Fasal angkau lagi muda, jangan kasi satu orang pun tengok ta'mata; ttapi biar-lah angkau jadi satu tuladan k-pada orang-orang yang perchaya, dalam perchakapan, dan klakuan, dan kaseh, dan perchaya, dan ksuchian.
13Sampai sahya datang, baik angkau ingat deri-hal bacha, dan deri-hal nasihatkan dan ajar orang.
14Jangan ta'pdulikan itu kurnia yang ada dalam angkau, yang sudah di-bri k-pada angkau oleh nabuat, dan dngan ktua-ktua punya taroh tangan.
15Biar-lah angkau rajin dalam itu perkara smoa; usahakan diri dalam itu; spaya hal angkau maju boleh nyata k-pada smoa orang.
16Ingat baik-baik fasal angkau punya diri, dan fasal angkau punya pngajaran. Tinggal ttap dalam ini smoa; kerna dngan ini macham punya perbuatan angkau nanti slamatkan angkau punya diri, dan orang-orang yang dngar sama angkau.