Dual Panel1Apa yang sudah ada deri mula-mula, apa yang kita sudah dngar, apa yang kita sudah tengok dngan mata kita, apa yang kita sudah intai, dan kita punya tangan sudah jamah, ia'itu deri-hal Perkata'an hidop itu
2(dan hidop itu sudah di-nyatakan, dan kita sudah tengok dan saksikan dan khabarkan k-pada kamu hidop yang kkal itu, yang sudah ada bersama-sama Bapa dan sudah di-nyatakan k-pada kita);
3apa yang kita sudah tengok dan dngar, kita khabarkan k-pada kamu pula, spaya kamu pun boleh dapat perskutuan sama-sama kita: dan kita punya perskutuan pun ada bersama-sama Bapa dan bersama-sama Anak-nya, Isa Almaseh:
4dan ini smoa kita tulis spaya kita punya ksuka'an boleh di-chukopkan.
5Dan ini-lah khabar yang kita sudah dngar deri-pada dia, dan yang kita khabarkan k-pada kamu, ia'itu Allah itu trang, dan dalam dia skali-kali t'ada glap.
6Jikalau kita kata kita ada perskutuan bersama-sama dia, dan kita berjalan dalam glap, kita chakap bohong, dan t'ada buat kbtulan:
7ttapi jikalau kita berjalan dalam trang sperti dia pun dalam trang, kita ada perskutuan satu sama lain, dan darah Isa, Anak-nya itu, suchikan kita deri-pada smoa dosa.
8Jikalau kita kata yang kita tidak ada dosa, kita tipu diri kita, dan kbtulan itu tidak ada dalam kita.
9Jikalau kita mngaku dosa-dosa kita, dia ada stiawan dan bnar mau ampunkan kita punya dosa, dan suchikan kita deri smoa kjahatan.
10Jikalau kita bilang yang kita blum pernah buat dosa, kita bikin Allah satu pmbohong, dan dia punya perkata'an tidak ada dalam kita.