Alkitab Mobile SABDA
[VER] : [BALI]     [PL]  [PB] 
 <<  Imamat 11 >> 

Indik

1Ida Sang Hyang Widi Wasa maicayang pidabdabe sane menggah ring sor puniki ring Dane Musa miwah Dane Harun,

2buat karauhang ring bangsa Israele, kadi asapuniki: “Semeton dados ngajengang saananing wewalungan sane urip ring daatan,

3sane kukunnyane masepak, tur ipun ngilag tetedanipune.

4Nanging semeton nenten dados ngajengang unta, kidang wiadin kelinci. Burone punika patut kanggep leteh santukan, yadiastun ipun ngilag tetedanipune nanging kukunipune nenten masepak.

5(11:4)

6(11:4)

7Sampunang semeton ngajengang bawi. Bawine punika patut kabaos leteh. Yadiastun kukunipune masepak nanging ipun nenten ngilag tetedanipune.

8Sampunang semeton ngajengang wiadin ngusud bangken burone sane kadi asapunika, santukan burone punika leteh.

9Semeton dados ngajengang sakancan ulam sane masisik miwah makepes.

10Sakancan ulame sane urip ring toyane, nanging nenten masisik wiadin makepes, punika nenten dados ajengang semeton.

11Ulame sane kadi asapunika patut kabaos leteh. Semeton nenten pisan dados ngajengang wiadin ngusud bangken ulame punika.

12Semeton nenten dados ngajengang saananing ulam sane urip ring toyane, sane nenten masisik miwah makepes.

13Semeton nenten pisan dados ngajengang sarwa paksi sane inucap ring sor puniki, inggih punika: Paksi rajawali, celepuk, sakancan soroh sikep, garuda, guak, paksi kasuari, kandik-kandik, kokokan, sakancan soroh cangak, paksi blibis, paksi kasa miwah lelawah.

14(11:13)

15(11:13)

16(11:13)

17(11:13)

18(11:13)

19(11:13)

20Sakancan soroh prani sane makampid punika makasami leteh,

21sajawining sane uning makecos.

22Semeton dados ngajengang balang, jangkrik, wiadin balang sane gadang.

23Nanging sakancan prani sane alit-alit sane makampid miwah sane ngrepe punika makasami patut kabaos leteh.

24Sapasiraja ngusud bangken burone sane inucap ring sor puniki, ipun kawastanin leteh kantos rauh sore, inggih punika: buron sane makuku, sajawining yen kukunipune masepak tur ipun ngilag tetedanipune, miwah sakancan buron suku pat sane makuku buat anggen ipun ngehkeh. Sapasiraja makta bangken burone punika, ipun patut ngumbah panganggonipune, nanging kantos surup surya ipun kantun taler kabaos leteh.

25(11:24)

26(11:24)

27(11:24)

28(11:24)

29Bikul, marunju, nyingnying miwah lelasan punika patut kabaos leteh.

30(11:29)

31Sapasiraja ngusud burone punika wiadin bangkenipune, anake punika kabaos leteh ngantos surup suryane.

32Yening bangkenipune punika nepen satunggaling barang, kenginan barange punika kabaos leteh. Yadiastun barange jaga kanggen napija, ipun kantun tetep leteh, tur patut kacelebang ring toyane, nanging yadiastun sampun kadi asapunika, barange punika kantun tetep leteh ngantos surup surya. Indike punika ngeniang ring barang-barang sane malakar antuk taru, wastra, blulang, wiadin kaping.

33Yening bangken burone punika ulung ka tengah payuk tanahe, sadaging payuke punika sami dados leteh, tur semeton patut ngencak payuke punika.

34Ajengan sane biasanipun sampun dados ajengang, nanging keni kasriokin antuk toya sane saking payuke iwau, ajengane punika kabaos leteh. Samaliha napija luire sane keni kinum saking payuke punika, makasami kabaos leteh.

35Napija luire sane katepen antuk bangken burone punika, makasami dados leteh. Anglo miwah pamanggangan sane malakar antuk tanah taler patut kencak.

36Sawatek sane keni bangken burone punika makasami dados leteh, sajawining toya klebutan wiadin semer. Sajeroning paindikan puniki, semer wiadin toya klebutane punika tetep kantun kabaos nirmala.

37Yening bangken burone punika nepen winih sane jaga kasambeh, winihe punika tan kawastanin leteh.

38Nanging yening winihe punika sedekan memem antuk toya, raris katepen antuk bangken burone punika, kenginan winihe punika kabaos leteh.

39Anake sane ngusud bangken buron sane dados ajengang, anake punika leteh ngantos surup surya.

40Anak sane nunas bangken burone punika, yadiastun napinipun kewantenja sane katunas, anake punika patut ngumbah panganggennyane, nanging yadian kadi asapunika ipun kantun tetep kawastanin leteh ngantos surup surya. Anak sane makta bangken burone punika, ipun patut ngumbah panganggenipune, nanging ipun kantun leteh ngantos kawengi.

41Semeton nenten dados ngajengang buron alit sane magaang ring tanahe.

42Yadian sane ngrayang wiadin mamargi punika masuku pat, wiadin masuku katah.

43Sampunangja semeton ngletehin ragan semetone, malantaran buron sane kadi asapunika.

44Sabdan Ida Sang Hyang Widi Wasa sapuniki: Ulun ene Sang Hyang Widi Wasa, Widin kitane. Sawireh keto nyatnainja dewek kitane apanga kita tetep suci sawireh Ulun suci.

45Ulun ene Sang Hyang Widi Wasa ane nantan kita rarud uli Mesir, apanga Ulun prasida dadi Widin kitane. Kita patut suci sawireh Ulun suci.

46Kenginan kadi asapunika pidabdab ngeniang indik sarwa buron miwah sarwa paksi, pingkalih ngeniang indik sarwa buron sane urip ring toyane miwah sane mamargi ring duur tanahe.

47Semeton patut celang maminayang, encen sane leteh, samaliha encen burone sane dados ajengang miwah sane encen nenten dados ajengang.”


  Share Facebook  |  Share Twitter

 <<  Imamat 11 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel