Dual PanelIndik
1Ida Sang Hyang Widi Wasa maicayang ring Dane Musa,
2pidabdab-pidabdab indik rerainan-rerainan sapuniki: “Nuju rerainan-rerainane ento bangsa Israele patut pada mapunduh buat ngaturang pangubakti.
3Dijaja kita nongos, kita patut ngluihang dina Sabate ento di ayun Ida Sang Hyang Widi Wasa. Nem dina makelonne kita kalugra magarapan. Nanging ingetangja mungguing dina ane kaping pitu ento dina Sabat, dina buat mareren. Di dinane ento edaja kita magarapan, nanging pada mapunduhja buat mabakti.
4Di dina ane suba kapastiang, rerainan-rerainane ene patut kuar-uarang.”
Rerai
5Rerainan Paskah, ane kaluihang buat ngluihang Ida Sang Hyang Widi Wasa ngawit uli surup suryane, tanggal patbelas sasih ane kaping pisan.
6Buin maninne tanggal limolas, ento ngawitin Rerainan Roti Tan Paragi, tur kita tusing dadi naar roti ane misi ragi, pitung dina makelonne.
7Pitung dina makelonne kita patut ngaturang aturan rayunan di ayun Ida Sang Hyang Widi Wasa. Di dina ane kapangawit muah ane kaping pitu sajeroning rerainane ento, kita patut mapunduh buat ngaturang bakti, tur tusing pesan dadi magae.
8(23:7)
9Yening kita suba neked di tanah ane kapaicayang teken kita baan Ida Sang Hyang Widi Wasa, tur kita suba manyi gandum, ditu seetan gandum kitane ane pangawit, patut aturang kita teken sang pandita.
10(23:9)
11Di dinane ane kapangawit sasuban dina Sabate, sang pandita patut ngaturang gandume ento di ayun Ida Sang Hyang Widi Wasa, makadadi aturan ane istimewa, apanga kita kaledangin baan Ida Sang Hyang Widi Wasa.
12Dikalane kita ngaturang aturan gandume ento, kita masih patut ngaturang aturan panak biri-biri ane matuuh atiban, ane tan paceda, makadadi aturan ane maborbor.
13Sibarengan teken aturane ento, kita masih patuh ngaturang tepung ane misi lengis saitun duang kilogram, makadadi aturan rayunan. Bon aturane ento lakar ngranayang ledang pakayunan Ida Sang Hyang Widi Wasa. Sibarengan teken aturane ento, kita patut masih ngaturang aturan anggur aliter.
14Satonden kita ngaturang aturane ento di ayun Ida Sang Hyang Widi Wasa, eda pesan kita naar asil gandum ane anyar ento, yadian ane enu matah, ane manyahnyah wiadin matunu. Pidabdabe ene patut kamanggehang baan katurunan kitane kanti salawas-lawasne.
Rerai
15Sasubane dina Sabat, dikalane kita ngaturang seetan gandum kitane ane pangawit teken Ida Sang Hyang Widi Wasa, itungja pitung uku makelonne.
16Di dina ane kaping seket, nah ento sasuban dina Sabat ane kaping pitu, kita patut buin ngaturang aturan sesajen di ayun Ida Sang Hyang Widi Wasa.
17Asing-asing kulawarga patut ngaturang roti duang bungkul, makadadi aturan ane istimewa di ayun Ida Sang Hyang Widi Wasa. Asing-asing rotine ento patut malakar tepung duang kilogram liunne tur kisinin ragi, tur patut katurang di ayun Ida Sang Hyang Widi Wasa, makadadi aturan gandum ane pangawit ane lakar kanyi.
18Sibarengan teken rotine ento, pasamuane patut masih ngaturang biri-biri ane matuuh ataun pitung ukud, sampi jagiran aukud muah kambing duang ukud. Makejang ento tusing pesan dadi ada cacadne. Wewalungane ento patut katurang di ayun Ida Sang Hyang Widi Wasa, makadadi aturan maborbor, sibarengan teken aturan gandum muah aturan anggure. Bon aturane ento ngranayang ledang pakayunan Ida Sang Hyang Widi Wasa.
19Kita patut masih ngaturang kambing muani aukud makadadi aturan panyupat dosa, muah biri-biri ane matuuh ataun duang ukud, makadadi aturan karahayuan.
20Sang pandita patut ngaturang roti muah panak biri-birine makadadua ento, makadadi aturan istimewa di ayun Ida Sang Hyang Widi Wasa, tur ento dadi pikolih sang pandita. Aturan-aturane ento makejang suci.
21Di dinane ento kita tusing pesan dadi ngarap gegaen kitane, nanging kita patut mapunduh buat ngaturang bakti. Katurunan kitane patut ngamanggehang pidabdabe ento di masa ane lakar teka sakayang-kayang, dijaja ia magumana.
22Dikalane kita manyi, edaja anyina gandume ane mentik di sisi-sisin tegalane, tur edaja kita malipetan buat lakar nuduk unuhan gandume. Depangja ento makutang pabuat anake tiwas muah wong pendonane. Ida Sang Hyang Widi Wasa ane dadi Widin kitane.
Rerai
23Nuju tanggal satu sasih ane kaping pitu, ento patut kaluihang makadadi dina ane kaselik buat mareren. Di dinane ento, di kalane trompet-trompete kasuarayang, kita ajak makejang patut pada mapunduh buat ngaturang bakti.
24(23:23)
25Aturangja aturan rayunane teken Ida Sang Hyang Widi Wasa, tur eda pesan kita magarapan.
Rerai
26Nuju tanggal dasa bulan ane kaping pitu, ento Rerainan Panyupat Dosan rakyate, ane patut kajalanang ngataun. Di dinane ento kita ajak makejang patut mapuasa. Kita patut mapunduh buat ngaturang bakti, tur ngaturang aturan rayunan teken Ida Sang Hyang Widi Wasa.
27(23:26)
28Di dinane ento kita tusing dadi magae, sawireh di dinane ento Rerainan Panyupat Dosa.
29Nyenja ane mamurug puasane di dinane ento, ia tusing enu kangkenin dadi kaulan Ida Sang Hyang Widi Wasa.
30Buina yen ada anak ane ngarap gegaen di dinane ento, Ida Sang Hyang Widi Wasa lakar nyisipang ia baan ukuman mati.
31Pidabdabe ene patut kamanggehang baan pianak cucun kitane turun-tumurun, yadian dijaja ia nongos.
32Ngawit uli tanggal sia sasihe ento, kanti neked surup surya tanggal adasa, kita patut ngluihang rerainane ento makadadi rerainan ane kaselik buat mareren. Di dinane ento awai mepek kita patut mapuasa, tur tusing pesan dadi madaar.
Rerai
33Rerainan Pondok Daune ento ngawitin tanggal limolas sasih ane kaping pitu, kanti pitung dina makelonne.
34(23:33)
35Sajeroning pitung dina ento sabilang dina kita patut ngaturang aturan rayunan. Di dinane ane kapangawit muah ane kaping kutus, sajeroning rerainane ento, kita patut mapunduh buat ngaturang bakti muah ngaturang aturan rayunan, tur tusing pesan dadi magae.
36(23:35)
37Nah ento rerainan ane manut teken agama, ane patut luihang kita. Di dinane ento kita patut mapunduh buat ngaturang bakti ngluihang Ida Sang Hyang Widi Wasa, saha ngaturang aturan rayunan, aturan maborbor, aturan sesajen, aturan wewalungan muah aturan yeh anggur ane liunne manut ane kaperluang sabilang dina.
38Rerainane ene makadadi imbuh buat dina Sabat ane biasa, tur aturan-aturane ento masih dadi imbuh aturan-aturan kitane ane biasa, nah ento imbuh pabuat aturan panaur sesangin kitane muah imbuh pabuat aturan ane saking suka lila ane aturang kita teken Ida Sang Hyang Widi Wasa.
39Sasubane kita suud manyi kita patut ngluihang rerainane ene pitung dina makelonne, ngawit tanggal limolas sasih kapitu. Dina ane pangawit ento patut dadi dina ane kaselik buat mareren.
40Di dinane ento alapja makudang woh-wohan kitane ane paling melaha uli pabianan kitane tur empakja masih makudang-kudang don palma, muah carang-carang kayu ane ngrembun, tur kawitin rerainan ane manut sopacaraning agama, buat ngluihang Ida Sang Hyang Widi Wasa, Widin kitane.
41Rerainane ento patut luihang kita pitung dina makelonne. Katurunan kitane manian patut ngamanggehang pidabdabe ene kanti salawas-lawasne.
42Sawatek bangsa Israele makejang patut nongos di pondok-pondok don-donane ento pitung dina,
43apanga katurunan kitane nawang mungguing Ida Sang Hyang Widi Wasa ngandikayang bangsa Israele nongos di pondok-pondok ane nista dugase Ida nantan bangsane ene rarud uli Mesir. Ida ento maraga Ida Sang Hyang Widi Wasa, Widin kitane.
44Kadi asapunika Dane Musa nerangang ring bangsa Israele, pidabdab-pidabdab ngeniang indik ngluihang rerainan agamane buat ngluihang Ida Sang Hyang Widi Wasa.