Dual Panel1Saking sang lanang Adi pangantungan keneh beline, gegelan beline, beli sampun wenten ring taman. Beli sedek munduhang wewangen miwah mur. Beli sedek naar madu miwah talan madune, tur sedek nginum anggur miwah susu. Saking sang istri Rarisang beli, rarisang ngajeng miwah nginum kantos beli punyah antuk kapitresnan.
Kidun
2Saking sang istri Rikala tiang pules, manah tiange nenten nyak pules. Tiang ngipiang pepacangang tiange nogdog jelanan.Saking sang lanang Oduh adi pangantungan keneh beline miwah gegelan beline, pingkalih kedis daran beline, icenja beli ngranjing. Tendas beline belus antuk damuh, tur bok beline belus malantaran sayonge.
3Saking sang istri Tiang sampun ngelus panganggen tiange, buat napi tiang malih meseh. Tiang sampun masehin buntut tiange, buat napi tiang ngamenyiang malih buntut tiange.
4Pepacangan tiange sampun ngabag jelanan, tur tangkah tiange rumasa nrugtug santukan ida sampun nampek.
5Tiang sampun sedia pacang ngaturin ida ngranjing. Liman tiange sampun uap tiang antuk mur, tur jrijin liman tiange taler sampun uap tiang antuk minyak mur, rikala tiang nyujuh kancing jelanan.
6Tiang tumuli ngampakin pepacangan tiange jelanan, nanging ida sampun makaon. Meled pisan manah tiange pacang miragiang suaran idane. Tiang tumuli ngrereh ida, nanging ida tan wenten panggihin tiang. Tiang ngaukin ida, nanging tan wenten sane masaur.
7Parapajagaan sane sedek maronda ring kota manggihin tiang. Ipun tumuli nigtig tiang kantos babak belur, tur parapajagaan tembok kotane nyetset slendang tiange.
8Majanjija ring tiang ih luh-luh Yerusaleme, mungguing yening ragane manggihin pepacangan tiange, ragane jaga nguningayang ring ida, mungguing tiang leleh nandang kasemaran.
9Saking paraistrine Ih luh sang ayu, punapike pepacangan luhe bina ring anake sane tiosan? Punapike ida punika kalintang bagus, kantos tiang patut majanji ring idewa?
10Saking sang istri Pepacangan tiange punika bagus tur siteng, ida bagusan ring anake sareng dasa tali.
11Prarain idane alus sakadi prunggu, rambut idane gelgel tur selem sakadi bulun goake.
12Panyingakane becik tan bina kadi matan paksi darane sane ring tukade, paksi dara sane manjus ring susune tur mencegan ring sisin toyane sane membah.
13Pipin idane becik sakadi tamane sane bek madaging daun-daun wewangen. Lamben idane sakadi leline sane belus antuk minyak mur.
14Tangan idane becik, tur ida nganggen ali-ali mamata soca. Anggan idane sakadi danta sane alus sane kapayasin antuk sesocan.
15Pupun idane sakadi sesaka marmer sane masendi antuk mas. Kagungan idane sakadi Gunung Libanone sane wit arasnya tegeh-tegeh pisan.
16Lamben idane manis yening karas, cutetipun saluiring paindikan idane punika nutdut manah tiange. Kadi asapunika kawentenan pepacangan tiange, ih parasemeton paraluh-luh Yerusaleme.