Pikol
1Bagia pisan anake sane sairing ring Ida Sang Hyang Widi Wasa, sane urip malantaran pituduh-pituduh Idane.
2Pakaryan semetone jaga mapikolih pabuat kaperluan-kaperluan semetone; semeton jaga bagia miwah gemuh landuh.
3Rabin semetone waluya sakadi punyan anggure sane mabuah nged ring jeroan semetone, tur paraokan semetone tan bina sakadi wit saitun sane muda-muda ngilehan mejan semetone.
4Anake muani sane sairing ring Ida Sang Hyang Widi Wasa, sujatinipun jaga kamertanin kadi asapunika.
5Dumadak Ida Sang Hyang Widi Wasa ngamertanin semeton saking Sion. Dumadak semeton jaga manggihin kota Yerusalem gemuh landuh sapanjang umur semetone.
6Dumadak semeton dirga yusa, kantos prasida ngaksi putu-putun semetone! Dumadakja wenten dame ring Israel.