Dual PanelDapta
1Ring sor puniki daptar parapandita miwah wong Lewi sane mawali budal saking paselongan, sasarengan ring Dane Serubabel okan Dane Sealtiel miwah Pandita Agung Yosua.
2Parapanditane, inggih punika: Dane Seraya, Dane Yeremia, Dane Esra, Dane Amarya, Dane Maluk, Dane Hatus, Dane Sekanya, Dane Rehum, Dane Meremot, Dane Ido, Dane Ginetoi, Dane Abia, Dane Miyamin, Dane Maaja, Dane Bilga, Dane Semaya, Dane Yoyarib, Dane Yedaya, Dane Salu, Dane Amok, Dane Hilkia miwah Dane Yedaya. Dane sareng sami dados pamimpin parapanditane duk masan Dane Yosua.
3(12:2)
4(12:2)
5(12:2)
6(12:2)
7(12:2)
8Parawong Lewine, minakadinipun: Dane Yesua, Dane Binui, Dane Kadmiel, Dane Serebya, Dane Yehuda miwah Dane Matanya. Dane sareng sami dados pamimpin kidung-kidung pamuji suksma.
9Sapanglanturipun, Dane Bakbukya, Uni miwah parapasemetonan danene madue tugas ngidungang pasaur-pasaurnyane mangda dados saling saurin.
Katur
10Dane Yosua maputra Dane Yoyakim, Dane Yoyakim maputra Dane Elyasib, Dane Elyasib maputra Dane Yoyada,
11tur Dane Yoyada maputra Dane Yonatan, tur Dane Yonatan maputra Dane Yadua.
Parap
12Duk Dane Yoyakim dados Pandita Agung, parapandita sane sinurat ring sor puniki dados pamimpin palingsehan parapanditane. Dane Meraya dados pamimpin palingsehan Dane Seraya. Dane Hananya dados pamimpin palingsehan Dane Yeremia. Dane Mesulam dados pamimpin palingsehan Dane Esra. Dane Yohanan dados pamimpin palingsehan Dane Amarya. Dane Yonatan dados pamimpin palingsehan Dane Meliku. Dane Yusup dados pamimpin palingsehan Dane Sebanya. Dane Adna dados pamimpin palingsehan Dane Harim. Dane Helkai dados pamimpin palingsehan Dane Merayot. Dane Sakaria dados pamimpin palingsehan Dane Ido. Dane Mesulam dados pamimpin palingsehan Dane Gineton. Dane Sikri dados pamimpin palingsehan Dane Abia. Dane ... dados pamimpin palingsehan Dane Minyamin. Dane Piltai dados pamimpin palingsehan Dane Moaja. Dane Samua dados pamimpin palingsehan Dane Bilga. Dane Yonatan dados pamimpin palingsehan Dane Semaya. Dane Matnai dados pamimpin palingsehan Dane Yoyarib. Dane Usi dados pamimpin palingsehan Dane Yedaya. Dane Kalai dados pamimpin palingsehan Dane Salai. Dane Heber dados pamimpin palingsehan Dane Amok. Dane Hasabya dados pamimpin palingsehan Dane Hilkia. Dane Netaneel dados pamimpin palingsehan Dane Yedaya.
13(12:12)
14(12:12)
15(12:12)
16(12:12)
17(12:12)
18(12:12)
19(12:12)
20(12:12)
21(12:12)
Indik
22Sapanyeneng Dane Pandita Agung Elyasib, Yoyada, Yohanan miwah Yadua, parapamimpin kulawargan wong Lewine miwah kulawargan parapanditane sami pada kacatet. Catetane punika kapuputang kantos rauh masan Ida Sang Prabu Darius ratun wong Persiane.
23Parapamimpin kulawarga-kulawargan wong Lewine kacatet wantah rauh ring panyeneng Dane Yohanan, putun Dane Elyasib.
Tugas
24Satinut ring pangandikan Dane Hasabya, Seraya, Yesua, Binui miwah Dane Kadmiel, parawong Lewine kaepah dados makudang-kudang klompok. Nyabran giliran, wenten kalih klompok sane makidung saling saurin muji Ida Sang Hyang Widi Wasa tur ngaturang panyuksma ring Ida satinut ring prentah Ida Sang Prabu Daud, parekan Ida Sang Hyang Widi Wasa.
25Parapajagaan Perhyangan Agunge sane ring sor puniki madue tugas buat nyaga sane wenten ring samping gapura Perhyangan Agunge inggih punika: Dane Matanya, Bakbukya, Obaja, Mesulam, Talmon miwah Dane Akub.
26Dane sareng sami punika urip sapanyeneng Dane Yoyakim okan Dane Yosua putun Dane Yosadak miwah sapanyeneng Sang Gubernur Nehemia miwah sapanyeneng Pandita Agung Esra sane pradnyan ring Pidabdab punika.
Dane
27Rikala tembok kota Yerusaleme kaplaspas, wong Lewine kadauhin mangda ngranjing ka kota saking genah-genahnyane magumana, kantos dane sareng sami nyidayang marerainan buat mlaspas temboke saha ngaturang kidung atur panyuksma tur nabuh tetabuhan, luire: rebab miwah cengceng.
28Wong Lewine sane dados juru kidung raris mapunduh saking genah-genahnyane magumana ring kiwa tengen kota Yerusaleme miwah saking desa-desa sane wenten ring kiwa tengen kota Netopa,
29miwah saking Bet-Gilgal, Geba miwah Asmawet.
30Parapandita miwah wong Lewine raris ngwentenang upacara buat nyuciang ragan danene, nyuciang rakyate, gapura-gapura miwah tembok kotane.
31Tiang munduhang parapamimpin wong Yehudane ring duur temboke tur ngepah ipun dados kalih klompok sane ageng mangda mabaris ngilehin kotane sinambi ngaturang panyuksma ring Ida Sang Hyang Widi Wasa. Klompok sane kaping pisan mamargi ka tengen ring duur temboke tumuli ngungsi ka Gapura Lulune.
32Dane Hosaya mabaris ring ungkur juru kidunge, kairing antuk parapamimpin Yehudane atenga.
33Ring ungkurnyane parapandita minakadinipun: Dane Asarya, Esra, Mesulam, Yehuda, Benyamin, Semaya miwah Dane Yeremia, mabaris sinambi nyuarayang trompet. Sapanglanturipun Dane Sakaria okan Dane Yonatan, putun Dane Semaya mamargi ring ungkurnyane. (Paraleluur danene inggih punika Dane Matanya, Mika miwah Sakur, palingsehan Dane Asap.)
34(12:33)
35(12:33)
36Dane Sakaria kairing antuk parawarga palingsehannyane, minakadinipun: Dane Semaya, Asareel, Milalai, Gilalai, Maai, Netaneel, Yehuda miwah Dane Hanani. Dane sareng sami makta tetabuhan sakadi sane kanggen antuk Ida Sang Prabu Daud, parekan Ida Sang Hyang Widi Wasa. Rombongane puniki mapeed kapimpin antuk Dane Esra sane pradnyan ring Pidabdab Ida Sang Hyang Widi Wasa punika.
37Ring Gapura Toya Klebutane, peede punika ngamunggahang ring trundag sane ngungsi ka Kota Daud. Saking irika nglintang ring purin Ida Sang Prabu Daud, tumuli rauh ring temboke ring Gapura Toya Klebutane ring sisi kangin kotane.
38Klompok sane tiosan sane ngaturang puji suksma mamargi ka kiwa ring duur temboke punika tur tiang miwah rakyate sane malih atenga, nyarengin klompoke punika. Tiang sareng sami nglintang ring Menara Genine kantos rauh ring Tembok Linggahe.
39Saking irika tiang nglintangin Gapura Epraim, Gapura Purwaka, Gapura Ulam, Menara Hananeel miwah Menara Mea kantos rauh ring Gapura Biri-birine. Tiang raris ngrarianang barisane punika ring gapura sane ngungsi ka Perhyangan Agung.
40Irika rombongan sane ngaturang panyuksma makakalih raris pada rauh ring wewidangan Perhyangan Agunge. Sajaba parapamimpin klompok punika taler sareng nyarengin
41rombongan tiange miwah parapandita sane nyuarayang trompet, minakadinipun: Dane Elyakim, Maaseya, Minyamin, Mika, Elyoenai, Sakaria, Hananya.
42Dane sareng sami kasarengin antuk Dane Maaseya, Semaya, Eleasar, Usi, Yohanan, Malkia, Elam miwah Dane Eser. Juru kidunge sane kapimpin antuk Dane Yisrahya pada makidung saha ngampet suarannyane.
43Ring rerainan punika akeh pisan rakyate ngaturang aturan, tur makasami kabekin antuk suka rena, duaning Ida Sang Hyang Widi Wasa sane ngawinang ipun liang pisan. Paraistri miwah alit-alite taler sareng ring upacarane punika, kantos suarannyane sane uyut prasida kapiragi saking doh.
Kaper
44Daweg punika wenten makudang-kudang anak sane kapisara buat ngenterang gudang-gudang genah nyimpen barang-barang dana punika duen Perhyangan Agunge, minakadinipun: aturan pahdasan, aturan pamupon gandum miwah woh-wohan sane kalap pangawit nyabran taun. Anake punika kapisara mangda munduhang urunan-urunan saking pabianan-pabianan sane wenten ring kiwa tengen kota-kotannyane, pabuat parapandita miwah wong Lewine sakadi sane kapituduhang ring cakepan Pidabdabe. Wong Yehudane makasami tresna ring parapandita miwah wong Lewi,
45duaning dane sareng sami ngancangin pangubakti panyuciane miwah upacara-upacara sane tiosan sane sampun katitahang antuk Ida Sang Hyang Widi Wasa. Juru kidung miwah pajagaan Perhyangan Agunge taler ngamargiang tugas-tugasnyane satinut ring awig-awig sane kakardi antuk Sang Prabu Daud miwah Sang Prabu Salomo putran idane.
46Ngawit saking nguni, ngawit panyeneng Ida Sang Prabu Daud miwah juru kidung Dane Asap, juru-juru kidunge setata mimpin kidung miwah atur panyuksmane pamantuka ring Ida Sang Hyang Widi Wasa.
47Sapanyeneng Dane Serubabel miwah sapanyeneng Dane Nehemia, makasami rakyat Israele nyabran rahina ngaturang sumbangan pabuat juru kidung miwah pajagaan Perhyangan Agunge. Rakyate ngaturang aturan sane suci pabuat wong Lewine, tur wong Lewine ngaturang pahan sane patut katurang ring parapanditane.