Alkitab Mobile SABDA
[VER] : [BIAK]     [PL]  [PB] 
 <<  1 Korintus 13 >> 

1Rofyor yawawos ro wos ḇeḇor ro snonkaku kam, ma yawos wos malaikatsya wer kako, ḇape yana saswarḇa ido yamnis raris mawon ḇeroki ḇemaum roḇaido yamnis jorojoro ḇeroki ḇeḇe brenbren.

2Rofyor yasma fakamaman faro yaḇaryas Allah wos ḇyedi, ma yafawi kankunes ro roi ḇeborkam, ma yafawi roi ḇeborkam; ma rofyor yasma kakyar ḇeba kaku isof yawan bon nafa nabur, ḇape yaswar snonkaku ḇeseḇa, rarirya yaḇefainda roi osoḇaḇeri!

3Ma yaḇerarwas nana yena fa yaḇukfarser faro ḇesaḇararsya, ma rofyor yaḇuk baken ayedi fa ḇyeḇekun, ḇape yana saswarḇa ido, nakam nefainda ḇaḇeri.

4Saswar ani kaḇaḇaḇ ma ḇaḇenaḇye. Saswar ani isasyar kuker sasuremḇa, sḇadokḇa, mararesḇa.

5Saswar ani imararesḇa, darer iḇa; saswar ani ḇyedafdifer snonkaku ḇese fa siso marisen ḇyenaḇa, imasasor fasawḇa, ma ikram masasorḇa, rofyor snonkakusya sifrur sasar faroi.

6Saswar ani imarisenba rofyor napnapesya isyaḇa, imarisen monda kuker napnapesya.

7Napnapes ani fyarmku roḇarpon ro roi ḇeḇor nakam ma imarisen ikyar roi ḇeḇye ro snonkaku oser-oser, rofafisu ḇerariso wer kako saswar ani kakyar ḇyedi ryobur iḇa ma ikḇaḇ iwaf roi ḇeborkam.

8Saswar ani nari myarmarḇa. Ḇyuk masasik faro ḇararyas Allah wos ḇyena, ma rofafisu oso ḇararyas wos ani nari imnai. Ḇyuk masasik awawos ro wos-wos ḇeḇor kofawiḇa, ma rofafisu oso masasik ani nari sḇeifa imna. Ḇyuk masasik faro fawawi ro roi ḇeborkam, ma ro fafisu oso roi ḇeḇesya ani nari ḇyeḇefandun werḇa.

9Snar fawawi koḇena ma masasik ḇaḇeḇaryas Allah wos ḇyedi, imnis mankun ḇaim.

10Nari rofyor ḇemnisna ndama kwar, nari ḇemnis mankun ḇaimna nari nadawer kam.

11Rofafisu yaḇe romawamkun, yawos imnis romawamkun yaḇaḇir imnis romawamkun ma yakara imnis romawamkun. Insape yaba kwar, rari ḇaḇeromawamkun yena yasawen na kwar.

12Rosai komam ro baboine namnis nin ḇefafafen ro kansinai. Ḇape nari komambos ḇekakuya. Baboine roi yafawina namnis mankun ḇaim, ḇape nari yafawi namnis imnis raris Allah moḇ ifawi namnis ayaraya.

13Ma roi rikior iḇekainya isoine: kakyarya, saneraroya, ma saswarya; ma ḇeba syadi ro skonya isoine saswari.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Korintus 13 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel