Alkitab Mobile SABDA
[VER] : [BIAK]     [PL]  [PB] 
 <<  Efesus 1 >> 

1Aya Paulus, manwawan Yesus Kristus kuker marisen ro Allah, mufaḇe kawasa ḇesren ro Efesus, kawasa ḇekyar faro Yesus Kristus!

2Saswar-fakamaman ma aski ḇerama ro Allah, Kma koḇedi ma ro Manseren Yesus Kristus ryoyus mko.

3Sanandik faro Allah, Kma ro Manseren koḇedi Yesus Kristus, ḇeḇuk kwar maḇeko ro Kristus, ḇaḇeḇok rur ḇeḇor kam ro boiyaswa.

4Snar kuker Yesus Allah kyinfir ko kwar rofyor supswan ine ḇyeḇefrur ḇaimya, insa kosren ma kofarorew ḇa ro ḇarpon ḇyedi.

5Kuker Allah saswar ḇyedi fyasna ḇepon ko kwar ro randakya ro Yesus Kristus fa koḇeromawa ḇe i imnisbos marisen ḇyedi,

6insa koḇuk sanandik mufaḇe Allah saswar-fakamaman baba ḇyedi, ḇyukma ḇeko ro Yesus, Rumkun ḇyedi iswarbos ani.

7Snar ro Yesus kosma fasaspar snar rik ḇyedi, isoine ḇaḇepayasyos ro sasar, imnis nana saswar-fakamaman ḇyena,

8fakamaman ḇyena, ḇyuk fawawi ma kakara, nabor syadi maḇeko.

9Snar fyasna kwar kankunes marisen ḇyedi maḇeko, imnis aw ḇyedi, isoine aw dun namuk kwar ro randakya kuker Yesus

10imnis fasasos faro fafisuya ryama roi ḇeḇor kam neoser ro Kristus ma ḇyeḇru faro nakam, iḇye ro boiyaswa iḇye kako ro supswan ine.

11Yakofen "ro Kristus", snar ro Allah kosma rarwas ro ḇaḇeasas ḇyedi -- koine ro awarya ḇyuk fa kosma rarwas ani imnisbos kuker Allah kakara ḇyedi, ifrur roi ḇeḇor kam imnis marisen ḇyedi --

12insa koine ro randakya bekyar faro Kristus, kosandik faro Allah, baba ḇyedi.

13Ma ro Allah mko kako -- snar mkomnaf kwar wos napnapesya, isoine Ankankinem Ḇeḇye ḇeḇuk koreri faro mko -- ro Allah mko kako, rofyor mkokyarya, Allah ḇyuk aḇyair mboi nya mko, isoine Rur Ḇesren ḇyedi ḇyeasas kwar faro mko ani.

14Ma Rur Ḇesren ani isaramper ko insa kosma rosai Allah ḇyeasas kwar faro kawasa ḇyesi, isoine ḇaḇefaspar ḇefrur fa Allah nya ko, insa kosandik Allah baba ḇyedi.

15Snar yamnaf kwar mkokyar faro Manseren Yesus ma mkoswar snonkaku ḇesrensya,

16inja yamnaiḇa yakofen kasumasa ḇemko. Ma indo yaswarepen mko ma yanadiwarek mko ḇesya kwar,

17ma yor ḇe Allah Manseren koḇedi Yesus Kristus, Kma ḇepyum ani, ḇyuk Rur fawawi nanem ḇyedi fa fyasna i faro mko isof mkomambir kaku i.

18Insa kakara ḇero snembri neḇeseḇen fanasnai, insa mkofawi sanemura ro rosai nari mkosma ro fararyor ḇyedi: isoine payamyum ḇeḇor ḇyena fyasos mufaḇekawasa ḇesrensya,

19ma Allah papoik ḇyedi iba faro ḇekyar koya, imnis raris mankundi papoik ḇyedi,

20ḇyuki ifrur rofafisu ḇyawes Kristus rofandu ḇemarsya ma ḇyeifa kyain ro ḇar raku ḇyedi ro boiyaswa,

21kankain Kristus ikaki syadibur ro ḇeḇuk sasoser ḇeborsya kam, ḇesma papoiksya kam, ḇeḇeḇrusya kam, ma manseirya kaker ḇeḇesnonsnon ro supswan ine mondaḇa ma supswan nari ḇeramaya.

22Ma roi ḇeḇor kam Allah ryir na kwar ro Kristus weḇam ḇyedi ma ḇyeifa ḇyeḇru ro jemaat ro roi ḇeḇor nakam kwar.

23Jemaat ani Kristus baken ḇyedirya, iḇeḇefa namnis, snar mankundi ḇefrur roi ḇeḇor kam fanamnisya.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Efesus 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel