1Ḇape aw Titus, baryas farkarkor ḇenapes raris Allah farkarkor ḇyena.
2Snonkaku ḇeḇesinansya simkuser si, sesyowi, sifawinanem, kakyar sena nanapes, sisaswar ma senamu.
3Rarirya kako ḇinsarsya, sikenem imnis snonkaku ḇesren, skoraryae ḇa, seḇinfyan faro swan ḇa, ḇape sifawi ssḇuk farkarkor ro roi ḇeḇyena
4ma rarirya sfarkor inai babosya fasiswar swasesi ma romawasesi,
5sikenem kuker fawawinanem ma saranden, simyaren sfaduru kina sena, sfafir ma saser faro swasesi, insa Allah wos ḇyedi snonkakusya sonef aweri.
6Rarirya kako romawa babosya; wanunsi insa simkusersi ro roi ḇeḇor kam
7ma mankundaw benyan ḇefasna kankenem ḇeḇye. Inja buk farkarkor kuker aunos ma kaku ḇeri,
8wawos bena nanapes ma ḇaryas bena nfarorewḇa isof ḇesampum awsya simai, snar roi ḇeḇyeḇa ono naisyaḇa fasikofen ro ko.
9Manfamyansya sesyowi manseren sesi ro roi ḇeḇor kam ma sisampum awer si,
10ma skaraw awer, ḇape sikenem naḇye kuker awnos, insa rarirya snonkakusya sisandik Allah farkarkor ḇeḇor ḇyena kam, Ḇeḇuk korerima ḇeko.
11Snar Allah saswar-fakamaman ḇyena ḇeḇuk koreri faro snonkakusya kam nasnai kwar.
12Allah saswar ḇyedi fyarkor ko insa kobur ḇarḇorna ma rmomen supswan ine ma insa kokenem kuker fawawinanem, nanapes ma ḇaḇeari faro Allah ro supswan ine.
13Ma kowaf Ras ḇepupes sanemura ro ani, ḇefo kuker aski; ro Ras ḇepupes ani nari supswan smam Yesus Kristus baba ḇyedi, isoine Allah Ḇebasyadi ma Wairek Ḇeḇuk korerima ḇeko.
14Ḇeḇuk mankundi kwar maḇeko insa ḇyuk ḇaḇemkei ḇeko ro ḇarḇor nakam ma fyasren kawasa ono faro mankundi, ḇemyaren ḇefrur roi ḇeḇye.
15Baryas roi ḇeḇor anna kam, ma buk ananun ma buk snekin snonkaku kuker papoik wasmana. Ma snonkaku ono smamkyof awer aw.