Dual Panel1PUWANGNGE linrungiwi Arung Daud polé risininna gangguwang balinna, angkanna weddingngi mattette ri laleng saorajana.
2Namakkedana arungngé lao ri Nabi Natan, "Itani, iyya’é monroka ri saoraja iya riyébbué polé ri aju camara Libanon, padahal Petti Assijancinna Allataala banna ritaroi ri laleng kémaé bawang!"
3Nappébali Natan, "Pogau’ni sininna niya’na Datu, saba’ PUWANGNGE tulungngi Datu."
4Iyakiya iyaro wennié makkedai PUWANGNGE lao ri Natan,
5"Laono namupalettukengngi atak-Ku Daud pasek-Kué, ‘Masa Iko patettongek-Ka bola.
6Sipongenna Upaleppe bangsa Israélié polé ri Maséré lettu makkekkuwangngé, dé’pa naéngka Uwonro ri laleng séddié bola, sangadinna tuli sollé sibawa monro riséddié kéma.
7Ri laleng sollérekkuro silaong bangsa Israélié, dé’pa naengka Uwakkutana lao risining pamimping iya puraé Upilé, aga saba’na mennang dé’ napatettongek-Ka bola polé ri aju camara Libanongngé.’
8Rimakkuwannanaro, Natan, paissengiwi atak-Ku Daud, makkedaé Iyya, PUWANG Iya Pommakuwasaé, makkeda lao ri aléna, ‘Purano Uwala polé ri jama-jamammu makkampi bimbala ri padangngé sibawa Uwakka mancaji arung ri umma’-Ku Israélié.
9Purano Usibawang kégi-kégiko lao, sibawa sininna balimmu purani Upaccappu ri wettummu mammusu. Uwébbuko matu tarompo pada-pada sining pamimping iya kaminang battowaé ri linoé.
10Nainappani, untu’ umma’-Ku Israélié purani Upassadiyangeng onrong sibawa Usuroi mennang mattette kuwaro, kuwammengngi naulléi mennang tennang tuwo, tenrigangguna. Sipongeng engkana mennang ri tanaéwé riyolo, tuwo tennang, tenrigangguna. Sipongenna mennang ri tanaéwé riyolo, sibawa Uwakkarengngi mennang sining pamimping, purani mennang rigasa risining tau iya pojiyéngngi ateddekengngé, iyakiya iyaro gau’é dé’na nakajajiyanna matu. Majjancika makkedaé amakko matu polé risininna balié, sibawa Uwérékko wija-wija.
11(7:10)
12Matti, rékko narapini ajjalemmu, narikuburu’ko ri tampunna toriyolomu, séddi polé ri ana’ worowanému Uwakka matu mancaji arung. Aléna ritu matu patettongek-Ka bola. Upakkasse’i matu akkarungenna sibawa untu’ mannennungeng séddi polé ri wija-wijanna mapparéntai matu selaku arung.
13(7:12)
14Mancajika matu ambo’na, na aléna mancaji matu ana’-Ku. Rékko pasalai, Uhukkungngi matu pada-pada séddié ambo’ hukkungngi ana’na.
15Iyakiya Iyya tette’ka matu pogau’i makessingngé lao ri aléna situru sibawa jancik-Ku. Jancik-Ku lao ri aléna tette’i Uwakkatenning, dé’ napada iya Upogau’é lao ri Saul iya puraé Upaésa polé ri tudangenna kuwammengngi weddikko mancaji arung.
16Tuli mappunnaiko matu wija-wijanna, sibawa Uwébbui matu akkarungemmu mattahang mannennungeng. Untu’ mannennungeng séddi polé ri wija-wija, mapparéntai matu selaku arung.’"
17Nainappa Natan paissengiwi Daud sininna iya puraé ripannessangengngi ri Allataala.
18Namuttama’na Daud ri laleng Kémana PUWANGNGE. Tudanni namassempajang, "Oh PUWANG Iya Pommatanré, iyya sibawa kaluwargaku dé’ nasitinaja tarimai sininna akessingeng iya Muwappaitangngé lao ri iyya labe’éwé.
19Mala Mupogau’i lebbi na iyaro, oh PUWANG Iya Pommatanré; pura-Ko mébbu assijancing passalenna wija-wijakku untu’ wettu mangoloé. Namuwappaitangngi gau’éro lao ri iyya, namuni iyya banna tolino, oh PUWANG Iya Pommakuwasaé!
20Agapi wedding upowada lao ri Iko? Muwisseng manengngi passalenna atam-Muwé.
21Nasaba jancim-Mu sibawa nasaba élomu muto mupogau’i pangkaukeng-pangkaukeng battowaéro untu’ paggurui atammué.
22Battowa tongekko, oh PUWANG Allataala! Banna Iko ritu Allataala, dé’gaga iya padaé sibawa Iko. Riissengngi gau’éro saba’ purani riyappaissengeng riyolopa nariyolo.
23Risininna linoé dé’ gaga bangsa pada-padanna Israélié. Israélié alé-aléna bangsa iya puraé Mupaleppe polé ri angatangengngé untu’ mancaji umma’-Mu. Sininna pangkaukeng battowaé sibawa makalallaing iya Mupogau’é untu’ mennang, mébbui asem-Mu kalabba ri sininna linoé. Bangsa-bangsa laingngé silaong déwata-déwatana purani Mupaddésu wettunna umma’-Mu maju mammusu.
24Purani Mupancaji bangsa Israélié umma’-Mu untu’ mannennungeng, sibawa Iko oh PUWANG, mancaji Allataalana mennang.
25Na makkekkuwangngé, oh PUWANG Allataala, tapakkasse’ni untu’ mannennungeng janci iya Mupowadaé passalenna aléku sibawa wija-wijakku. Tapogau’ni aga iya puraé Muwajjanciyanro.
26Kégi-kégi tuli napakarajai matu tauwé asem-Mu sibawa makkeda, ‘PUWANG Iya Pommakuwasaé iyanaritu Allataala ri Israél.’ Na untu’ mannennungeng séddi polé ri wija-wijakku mapparéntai matu selaku arung ri bangsaéwé.
27PUWANG Iya Pommakuwasaé! Uwabbaraniyangngi aléku paénré’i iyaé sempajangngéwé ri Iko, saba’ alé-Mu muto pura paissengika makkedaé ana’ eppoku massossoreng Mupancajiwi arung ri bangsaéwé.
28Oh PUWANG Iya Pommatanré, Iko ritu Allataala; sininna jancim-Mu Murupaiwi, na gau’ iya magelloéro purani Mujanciyakka.
29Rimakkuwannanaro, uwéllauwi, tabarakkakini wija-wijakku kuwammengngi mannennungengngi mennang tette napéneddingi pammasé-Mu. Oh PUWANG Iya Pommatanré, iya manennaro purani Muwajjanciyang, na wija-wijakku tette’i matu Mubarakkaki untu’ mannennungeng."