Dual Panel1Pura napattentu’ni Arung Daud makkedaé harusu’i ripatettong Bolana PUWANGNGE ri Yérusalém ri Bulu Moria ri onrong addesekeng gandong appunnangenna Arauna tau Yébus-é. Appatettongenna iyaro Bolana PUWANGNGE napammulaiwi Arung
2ri uleng maduwaé taung maeppaé apparéntanna.
3Lampéna iyaro bolaé 27 météré sibawa sakkana 9 météré.
4Lampéna bili’ yoloé pada-pada sakkana Bolaéro, iyanaritu 9 météré. Tanréna 54 météré. Bagiyang lalenna iyaro bolaé rilapiriwi sibawa ulaweng tuléng.
5Bili’ mapongngé ripépengiwi sibawa aju camara iya kaminang makessingngé enrengngé rilapiriwi sibawa ulaweng cowa. Ri lapina iyaro ulawengngé engka sobbi gambara pong pattuku sibawa gambara ranté.
6Nabélo-béloiwi arungngé iyaro bolaé sibawa batu paramata iya makessingngé sibawa ulaweng iya ripapolé ri wanuwa Parwaim.
7Napaké towi iyaro ulawengngé untu’ lapiriwi témbo’-témbo’na iyaro Bolana PUWANGNGE, balo’-balo’na, tau-tau tange’na sibawa tange’na. Témbo’-témbo’na risobbi’i sibawa gambara kérub.
8Bili’ lalengngé iya riyasengngé Bili’ Pommapaccingngé lampéna 9 météré sibawa sakkana 9 météré, pada-pada sakkana Bolana PUWANG-ngéro. Duwappulo tong ulaweng ripaké untu’ lapiriwi témbo’-témbo’na Bili’ Pommapaccingngéro
9sibawa 570 gerang ulaweng untu’ mébbu paku. Témbo’na bili’-bili’ langga’ yasé’na rilapiri towi ulaweng.
10Nasuro towi arungngé sining pajjamanaro mébbu duwa dato-dato kérub polé ri bessié. Iyaro dato-dato’é nalapiriwi sibawa ulaweng naripasang makkadambang ri Bili’ Pommapaccingngé mangolo ri sumpangngé. Tungke kérub-éro mappunnai duwa panni, tungke-tungke lampéna 2,2 météré. Iyaro sining pannié mallebba’i makkuwaro rupanna angkanna cappa iya séddié sigéssai ri tengngana bili’é, na cappa’na laingngé narapii témbo’é ri abéyo sibawa ri atau. Jaji iyaro sining pannié mallebba’i sillampé 9 météré iyanaritu sillebba bili’éro.
11(3:10)
12(3:10)
13(3:10)
14Untu’ Bili’ Pommapaccingngéro riyébbureng towi kaing pallawa polé ri lénangngé sibawa kaing laing iya magawu’é, collipao sibawa cella. Iyaro kaing pallawaé ribélo-béloiwi sibawa gambara-gambara kérub.
15Mébbui arungngé duwa alliri iya tungke’-tungke’é 15,5 météré tanréna, nainappa nataro ri yolona Bolana PUWANGNGE. Tungke’ alliriéro mappunnaiwi ulu alliri 2,2 météré tanréna.
16Bagiyang yasé’na iyaro alliri-allirié ripagelloriwi sibawa bélo-bélo polé ri gessaé, maddupa anengeng ranté sibawa 100 buwa dalima.
17Iyaro sining allirié ripatettongngi ri seddé abéyo sibawa ataunna sumpang muttama’é ri Bolana PUWANGNGE; iya seddé yattangngé riyasengngi Yakhin, sibawa iya seddé manorangngé riyasengngi Boas.