1Elong ziyara. Makkitaka lao risining bulué, polé kégi pattulungngé untu’ aléku?
2Pattulukku poléi ri PUWANGNGE iya pancajiyéngngi langié sibawa linoé.
3Dé’ naleppessakko matu menrung, tuli jagai pallinrummu.
4Sitongenna, pallinrunna iyaro Israélié dé’ naengka nacakkaruddu iyaré’ga matinro.
5PUWANGNGE jagaiko matu, engkai ri benrémmu untu’ linrungiko.
6Dé’ Mumalasa matu nasaba mata essoé ri essoé, iyaré’ga nasaba kétengngé ri wennié.
7Nalinrungiko matu PUWANGNGE polé ri abalaé, Najagaiko kuwammengngi nasalama atuwommu.
8Nalinrungiko wettummu polé sibawa lao, makkekkuwangngé sibawa mannennungeng