Alkitab Mobile SABDA
[VER] : [BUGIS]     [PL]  [PB] 
 <<  Mazmur 26 >> 

1Wérékka adélékeng, oh PUWANG, saba’ tuwoka sibawa malempu ati. Mamménasaka lao ri PUWANGNGE, sibawa tebbata-bata muwi céddé.

2Salidikika, oh PUWANG, sibawa ojika, paréssai cinnaku sibawa pikkirakku.

3Tuli uwéngngerangngi matu pammasé-Mu, sibawa tette matinulu lao ri Iko.

4Dé’ umaélo maddeppungeng silaong pabbelléngngé, iyaré’ga siwollompollong sibawa tau munapé’é.

5Ucéccé addeppungenna tau iya pogau’éngngi majaé, uniniriwi bangsa majaé.

6Ubissaiwi limakku tanrang teppasala, sibawa joppa mattulilingiwi mézba-Mu, oh PUWANG,

7napuwélong towi élong sukkuru’é, sibawa mabbirittangngi pangkaukem-Mu iya mappabengngaé.

8Upojiwi Bola-Mu, oh PUWANG, onrom-Mu monro sibawa penno arajang.

9Aja’ taunoka silaong tau madosaé, iyaré’ga reddu’i nyawaku silaong tau pappassu daraé.

10Matteru-terui mennang pogau’i majaé, sibawa tuli sadiyai tarima pasoso.

11Iyakiya tuwoka sibawa ati matinulu, amaséika sibawa paleppe’ka.

12Na amakka polé ri sininna bahayaé, upojiwi matu PUWANGNGE ri laleng addeppungenna umma’-Na.


  Share Facebook  |  Share Twitter

 <<  Mazmur 26 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel