Dual Panel1Sining pamimpingngé mattette’i ri Yérusalém sibawa naundiwi ra’ya’é untu’ pilé séddi kaluwarga polé ri tungke seppulo kaluwarga iya harusu’é monro ri kota mapaccingngé Yérusalém. Iya dé’é natappilé weddingngi monro ri kota-kota laingngé.
2Ri yelle’na mennang engka iya macenningngé mattette ri Yérusalém sibawa ripojiwi mennang ri ra’ya’é.
3Ri kota-kota laingngé, ra’ya’ Israélié, sining imangngé, sining tau Léwié, sining pajjama-jama Bolana PUWANGNGE, sibawa wija-wijanna sining pattumaninna Salomo monroi ri tana appunnangenna sibawa ri kota-kotana muto mennang.
4Siyagangngaré polé ri suku Yéhuda sibawa Bényamin monro ri Yérusalém. Iyanaé daftar aseng-ngasenna: Anggota-anggotana suku Yéhuda: Ataya ana’ Uria sibawa eppona Zakharia. Siyagangngaré ri yelle’na néné-nénéna iyanaritu: Amarya, Séfaca sibawa Mahalaleel, Pérés, Yéhuda. Jumellana 468 tau iya poré. Maaséya ana’ Barukh sibawa eppona Kolhoze. Siyagangngaré ri yelle’na néné-nénéna iyanaritu: Hazaya, Adaya, Yoyarib, Zakharia, Syéla, Yéhuda.
5(11:4)
6(11:4)
7Anggota-anggotana suku Bényamin: Salu ana’ Mésulam sibawa eppona Yoéd. Siyagangngaré ri yelle’na néné-nénéna iyanaritu: Pédaya, Kolaya, Maaséya, Itiél sibawa Yésaya. Gabai sibawa Salai. Massiyajing sumpulolo macawé’i mennang sibawa Salu. Jumellana iya maneng 928 tau, ripimpingngi ri
8(11:7)
9Yoél ana’ Zikhri sibawa wakkélé’na, Yéhuda ana’ Hasenua.
10Sining imangngé: Yédaya ana’ Yoyarib sibawa Yakhin. Séraya ana’ Hilkia sibawa eppona Mésulam. Siyagangngaré ri yelle’na néné-nénéna mennang iyanaritu: Zadok, Mérayot, Ahitub mancaji Imang Lompo.
11(11:10)
12Iya manenna engka 822 imang iya majjamaé ri Bolana PUWANGNGE. Adaya ana’ Yéroham sibawa eppona Pélalya. Siyagangngaré ri yelle’na néné-nénéna iyanaritu: Amzi, Zakharia, Pasyhur sibawa Malkia.
13Kapala-kapala kaluwarga ri laleng appangngéro jumellana 242 tau. Amasai ana’ Asareel sibawa eppona Ahzai. Néné-nénéna iyanaritu padaénna: Mésilémot sibawa Imer.
14Polé ri appangngéwé engka 128 tau pabbarani iya poré. Pamimpinna mennang iyanaritu Zabdiél, ana’ Gédolim.
15Sining tau Léwié: Sémaya ana’ Hasub sibawa eppona Azrikam. Nénéna iyanaritu padaénna Hasabya sibawa Buni. Sabetai sibawa Yozabad, sining tau Léwi pentingngé iya jagaiyéngngi jama-jamangngé ri saliwenna Bolana PUWANGNGE. Matanya ana’ Mikha sibawa eppona Zabdi, polé ri wija-wijanna Asaf. Aléna pamimpinna sining pakkélongngé untu’ sempajang sukkuru’é. Bakbukya wakkélé’na Matanya. Abda ana’ Samua sibawa eppona Galal, polé ri wija-wijanna Yédutun. Jumellana iya maneng 284 tau.
16(11:15)
17(11:15)
18(11:15)
19Sining panganrowang pintu gerbangngé: Akub, Talmon sibawa sellao-sellaona mennang. Jumellana iya maneng 172 tau.
20Ra’ya’ Israél, sining imangngé sibawa sining tau Léwi iya lebbinnaé, monroi ri tanana ri maddupa-rupang kota ri Yéhuda.
21Sining pajjamaé ri Bolana PUWANGNGE monroi ri bagiyang kotana Yérusalém iya riyasengngé Ofel, majjamai mennang ri yawa pappimpinna Ziha sibawa Gispa.
22Panganrowanna sining tau Léwi iya monroé ri Yérusalém iyanaritu Uzi ana’ Bani sibawa eppona Hasabya. Néné-nénéna iyanaritu padaénna Matanya sibawa Mikha. Muttama’i appanna Asaf, iya murusu’éngngi musi’é ri assompangngé ri Bolana PUWANGNGE.
23Lélénna tungke appang untu’ murusu’i musi’é ri Bolana PUWANGNGE tungke esso ripattentui situru peraturanna arungngé.
24Pétahya ana’ Mésezabeel polé ri appang Zéra sibawa suku Yéhuda, mancaji wakkélé’na bangsa Israélié ri saorajana Persia.
25Maéga ri yelle’na ra’ya’é monro ri kota-kota iya sicawéngngé sibawa sining dare’na mennang. Siyagangngaré polé ri suku Yéhuda monroi ri daéra pallawangenna Bersyéba ri seddé yattang sibawa Lompo Hinom ri seddé manorang. Monroi mennang ri kota-kota mangoloé sibawa désa-désaé ri seddéna: Kiryat-Arba, Dibon, Yékabzeel Yésua, Molada, Bét-Pélét Hazar-Sual, Bersyéba Ziklag, Mékhona En-Rimon, Zora, Yarmut, Zanoah, Adulam, Azéka, Lakhis.
26(11:25)
27(11:25)
28(11:25)
29(11:25)
30(11:25)
31Siyagangngaré tau polé ri suku Bényamin monroi ri Géba, Mikhmas, Ai, Bétel sibawa désa-désaé ri seddéna,
32ri Anatot, Nob, Ananya,
33Hazor, Rama, Gitaim,
34Hadid, Zéboim, Nébalat,
35Lod, Ono sibawa ri Lompo Tukat-tukangngé.
36Siyagangngaré rombongang tau Léwi iya riyolonaé monro ri daéra Yéhuda risuroi monro silaong sining tau Bényamingngé.