Alkitab Mobile SABDA
[VER] : [GULLAH]     [PL]  [PB] 
 <<  Wahyu 15 >> 

Seben Angel Bring Seben Real Bad Ting wa Gwine Mek People Suffa

1Den op een heaben A see noda mazin sign wa mek me wonda. Seben angel been dey an dey come da bring seben real bad ting fa tek ta de people ob de wol. Dem ting gwine mek people suffa real bad. Dem de las real bad ting cause dey de las ting dem dat God gwine tek fa show people dat e bex real bad wid um.

2Den A see sompin wa look like a sea wa dey tek glass fa mek an mix op wid fire wa da bun eenside um. An da stan close ta de sea, A see dem people wa done been win out oba de beast an oba e statue an oba de numba ob e name. An dem people been hole haap wa God done gim.

3Dey beena sing de song wa Moses, wa da wok fa God, been sing an de song wa de Lamb been sing. De song say, “Lawd God wa got powa mo den all oda, ya wok dem big an mazin ta we. Ya de King a da rule faeba an eba. Ya do wa right. Ya taak true all de time.

4Lawd, ain nobody wa ain gwine gii ya hona, Ain nobody wa ain gwine praise ya name. Ya de one true God. Dey ain no oda. All people ob all nation gwine come an woshup ya, Cause all people done see dat ya do right fa true.”

5Wen dem people done sing, A look an A see God House een heaben wid de place weh dey keep de Cobnant wa God mek wid e people open op.

6Den outta dey come dem seben angel wa bring de seben real bad ting wa gwine mek people suffa. Dey been weah clean linen cloes wa beena shine. An gole sash been tie roun dey chest.

7Den one ob de fo ting dem wa got life gii de seben angel seben gole bowl. All de seben bowl been full op wid de punishment wa God, wa da lib faeba an eba gwine punish de people ob de wol wid, fa show e bex real bad wid um.

8God House been full op wid smoke wa show God powa an glory. An nobody ain been able fa go eenside dat place til de seben real bad ting wa de angel dem been bring, done been done.


  Share Facebook  |  Share Twitter

 <<  Wahyu 15 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran