Dual Panel1Kidung jiarah. Mripatku ndeleng marang gunung-gunung; pitulunganku asalé saka ing ngendi?
2Pitulunganku asalé saka Allah, kang nitahaké langit lan bumi.
3Panjenengané bakal ora négakaké kowé tiba; kang ngreksa kowé bakal siyaga.
4Kang ngreksa Israèl ora bakal ngantuk utawa saré.
5Allah kang ngreksa kowé, Allah iku pengayomanmu; Panjenengané ana ing sandhingmu lan ngreksa marang kowé.
6Ing wayah awan kowé ora bakal kepanasen déning srengéngé, utawa ing wayah bengi déning rembulan.
7Kowé bakal direksa déning Allah, kauwalaké saka sakèhé bebaya, Panjenengané bakal mitulungi kowé.
8Allah bakal ngreksa mlebu-metumu, wiwit samengko tekan ing selawasé.