Alkitab Mobile SABDA
[VER] : [KARO]     [PL]  [PB] 
 <<  2 Korintus 4 >> 

Erta-erta pertendin i bas kudin taneh

1Erkiteken pendahin kami e erpalasken perkuah ate Dibata, emaka la kami erleja-leja.

2Nggo itulak kami kerina perbahanen si erbuni-buni si erbahanca mela iakap kami. Kami labo nggeluh nipui, bage pe labo iputar balikken kami Kata Dibata. Tapi kebenaren si icidahken kami e jadi sada pujin kerna diri kami gelah kami ialoken kerina pusuh peraten manusia i adep-adepen Dibata.

3Janah adi kin Berita Si Mehuli si iberitaken kami e tertutup denga man kalak, e tertutup man kalak si perlawesna kempak kebenen nge ngenca.

4Kalak e kalak si la tek, si ukurna nggo ipepentang dibata palsu jaman enda. La ipelepasna kalak e ngidah terang sinalsal erpagi-pagi si sangana mbincar man bana. Terang e, eme Berita Si Mehuli si encidahken kemulian Kristus si segambar ras Dibata.

5Labo kerna diri kami si iberitaken kami, tapi kerna Jesus Kristus selaku Tuhan, janah kami enda budakndu erdandanken Jesus.

6Dibata kap si ngataken, "Ersinalsallah terang i bas gelap nari." Ia me pe Dibata si erbahanca terang e ersinalsal i bas pusuhta, gelah jelas man banta pemeteh kerna kemulian Dibata si teridah i bas ayo Kristus.

7Kami si jadi ingan nimpan erta-erta pertendin e, desken kudin taneh saja ngenca, gelah teridah maka gegeh si mbelin e i bas Dibata nari kap, labo i bas kami nari.

8Arah apai pe kami itindih, tapi la kami meripuk. Bingung kami, tapi la seh putus asa.

9Iayak-ayak musuh kami, tapi la kami itadingken Dibata. Idampesken kalak kami, tapi la seh getem.

10Kiniseran Jesus si maba kematen lalap ipersan kami jadi baban kula kami, gelah KegeluhenNa pe jadi tangkas i bas kula kami.

11I bas gedang-gedang geluh kami, lalap kami iendesken kempak kematen erdandanken Jesus, gelah KegeluhenNa banci tangkas ia bas kula kami si ermasap-masap enda.

12Dage kematen e erdahin i bas kami, tapi kegeluhen erdahin i bas kam.

13I bas Pustaka Si Badia lit tersurat, "Erkiteken aku tek, emaka aku ngerana." Erkiteken perukuren kami i bas erkiniteken bali ras si enda, emaka kami ngerana, erdandanken kami tek.

14Ieteh kami maka Dibata si nggo mpekeke Tuhan Jesus i bas si mate nari, mpekeke kita ka pe pagin ras Jesus, jenari IbabaNa kita ku lebe-lebe Dibata.

15Kerina si enda man gunandu kap. Janah erkiteken reh teremna rusur kalak si ngaloken lias ate Dibata, reh sampurna ka pe isehken pengataken bujur man Dibata; alu bage Dibata imuliaken.

Nggeluh alu kiniteken

16Enda me sabapna maka la kami erleja-leja dingen la lesek ate kami. Aminna pe kula kami enda reh burukna reh dekahna, tapi ukur kami tep-tep wari ipelimbarui.

17Janah kiniseran si genduari e menahang nge dingen labo ndekah, janah ulihna eme kemulian si rasa lalap si la terturiken beratna ertimbangken kiniseran si menahang e.

18Sabap kami labo natap kempak si teridah, tapi kempak si la teridah. Sabap si teridah kentisik nge ngenca; tapi kai si la teridah tetap seh rasa lalap.


  Share Facebook  |  Share Twitter

 <<  2 Korintus 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel