Alkitab Mobile SABDA
[VER] : [KARO]     [PL]  [PB] 
 <<  Amos 9 >> 

Ukumen i bas TUHAN nari

1Kuidah TUHAN tedis deherken batar-batar. IperentahkenNa, nina, "Gudam takal binangun Rumah Pertoton emaka kumeger kerina berandana. Perperken maka pecah-pecahna ndabuh ku takal bangsa e kerina. Si debanna Aku munuhsa i bas perang. La lit sada pe si pulah, la lit si banci kiam.

2Aminna ikurukna pe lubangna kempak doni kematen. Kutangkap nge ia. Aminna nangkih pe ia ku langit, Kudabuhken ia ku teruh.

3Adi cebuni ia i datas Deleng Karmel, Kudarami seh dat Kutangkap. Adi cebuni ia i teruh lau lawit gelah ula Kuidah, Kuperentahken naga lawit engkaratca.

4Adi ibaba manusia ia tertaban ku pembuangen, Kuperentahken gelah ia ibunuh. Nggo Kutetapken lako engkernepken ia, labo nampatisa."

5TUHAN si Mada Kuasa, si Erdolat engkuit doni enda, emaka jadi me linur, kasa kai kalak si ringan i je erceda ate. Kerina doni enda nangkih, jenari surut bali ras Lau Nil i Mesir.

6TUHAN erbahan RumahNa i Surga, janah ibahanna langit man penggelanggemen doni enda. Erlebuh Ia kempak lau lawit jenari IamburkenNa ku doni Gelarna eme kap TUHAN!

7Nina TUHAN, "O bangsa Israel, kam seri nge Kuidah ras bangsa Sudan. Bagi kam Kubaba i Mesir nari, bage ka nge pe kalak Pilisti Kubaba i Pulo Kreta nari, janah kalak Siria i Kir nari.

8Aku, TUHAN si Erdolat, Aku sangana mperdiateken kerajan Israel si perdosa e, emaka Kusasapken me i babo doni enda nari. Tapi labo kerina kesusuren Jakup Kusasapken.

9Kuperentahken me gelah kalak Israel isigi bagi page isigi tare ndiru. Kusigi ia i tengah-tengah bangsa-bangsa si deban gelah naktak kerina lapung-lapungna.

10Kalak perdosa si lit i tengah-tengah bangsangKu ibunuh me i bas perang, eme kerina kalak si ngataken, 'Kami labo banci kena cilaka, labo seh mara man kami.'"

Israel ipesikap ka dnggo mulihi

11Nina TUHAN, "Reh me warina i ja kerajan Daud Kupajekken ka mulihi, si genduari bali ras sada rumah si nggo runtuh. Kupehuli tembok-tembokna janah Kupekena mulihi. Kupajekken ka mulihi janah Kubahan bali ras si nai-nai.

12Erdandanken si e italuken bangsa Israel me kasa kai negeri Edom si tading denga, bage pe kerina bangsa-bangsa si nai pernah igelari sikerajangenKu," bage nina TUHAN si mahanca maka kerina si enda jadi.

13Nina TUHAN, "Reh me warina i ja gandum pedas perturahna seh maka lanai ngasup kalak peranisa. Buah anggur pedas tasak, lebih asa ngasup kalak merehsa jadi anggur. Anggur si ntebu sarintangtangen i deleng-deleng nari, maleren i bas uruk-uruk nari.

14Kubaba bangsangKu Israel mulih ku negerina. Ipantekina ka mulihi kuta-kutana, janah i je me ia ringan; isuanina kebun anggur janah inemna lau anggurna; isuanina peken janah ipanna buah kelatihenna.

15Kupeturah bangsangKu i bas negeri si Kubereken man bana nai, janah ngayak ndigan pe lanai ia iruah i jenari." Bagenda me nina TUHAN Dibatandu.


  Share Facebook  |  Share Twitter

 <<  Amos 9 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2023
Alkitab.SABDA.org

Android.SABDA.org
SABDA.mobi
Bantuan
Dual Panel Dual Panel

Laporan Masalah/Saran